حب احلى منه ما فيش بقلم صباح سالم
بقلبي صباح سالم
حب أحلى منه مافيش
،،،،،،،،،،،،،،،،،،
وتفتكر لسه فيا نفس أعيش
لسه فيا نفس ألتقى بحنيه
غير قلب وعدنى وبخداعه الخير منه منكتبليش
تفتكر لسه فيا نفس أضم قلب تانى
وجرح الأولانى لسه جوايا نار مبتنطفيش
متظنش لحظه انى رافضه لإنى بيوم سلملتوا وحبيته
كل الحكايه النصيب حكم وياما من ربنا لخلاصى إترجيته
ومين على رد النصيب قادر
خاصم وفجر إغتاب و بخل ،، قلب حجر جاف بلا مطر
بس القدر منه أهدانى ،،بحب أحلى منه مفيش
غيرهم أهملنى ،، وك إنى بلا روح م اساويش
وك إنى مش من حقى بسلام وهدوء بالى ،، لحظه أعيش
ما احلامش ..ما ارتقيش
يقولوا ضيعى ..متضيعيش ..ميهمنيش
إلا هم
لقيت بعيونهم اللى مهما كتبت ،، حقهم م يوفيش
ماكنش ينفع أهرب وحدى
ماكنش ينفع يتساب
اللى لو لفيت العالم طول عمرى ،، عنه م حلاقيش
أسيب إزاى قلب عوضنى بالضمه الصافيه وكل الحاجات
حاجات بضحكتها نسيتنى مُر الذكريات
ذكريات مررها فعل قاسى وعقل مش راسى
وقلب بليل دموع عمره ماكان بيواسى
يواسى مين وهو مشغول بس ب لم الفلوس
فلوس صحيح بيوم حتوصل بس معدش حاجه منه ليها طعم
طعم اتغمست ريحته بوجع وسهر ومهر غالى إندفع
إندفع عمر قضيته غصب عنى ومهما حاكيت مش حتحس ظلمه
ظلم يسهرك يخدرك يفقدك إحساسك
إحساس متعرفش اذا كان طبيعى ولا انت من جواك تايه
تايه دى كلمه صُغيره
الحقيقه إنك مش عايش ولا باصص غير ل ورا
أيام وبتقضيها وك إنك بتخلص رساله وُكِلت وحدك بيها
كان صعب رفضها بوقت ماكنتش لاقيه حد أحبه زيها
عشان كده كان صعب أسيبهم
أسيب إزاى قلب بكى بخوف وهو من غيرى حيتوه بالحارات
أسيب إزاى قلب جه الدنيا لجل يكونلى عوض عن زمن فات
عايزنى أسيب كل ده عشان مين
عشان بتحبنى وإيه يعنى
سنين طويله كتير دورت بالعيون على حد من وجعى يشدنى
دلوقتى بس ب تتكلم عن الحب
وأنا من سنين ب أدور على أمان لقلبى ،، بيه حد يمدنى
عايزه روح تنسينى الضعف اللى كنت فيه
إنت شايفنى مُعقده
الحقيقه أنى بشيئ صعب أوصفه بيه مُقيده
مُقيده برب وهبنى بالكبر أسره ،، وإنت طالب عنها أتخلى
مقيده بحب بعيونهم ،، عمره ماقل ولا ولى
طالب لحظات معايا تختلى وتتسلى
وبكره وبعده حتكون معايا
ولا حتكون مجرد ضوء شمس وب ليله بيتملا بألف عله
بيقولى شكاكه ومش واثقه بحد
فعلا وشكى عن جد
إذا كان المقربين عليهم هُنت
فما بال الغريب مش ناقصنى غير منه أقسى رد
وأنا واثقه بنفسى لدرجة إنى معدتش ب اسكت لحد
ليس من حق حدا مهما كان حق الرد
كان يحق لولا إنى عرفت
كم قبلى أيها العاشق تزوجت وأنجبت وشتت وأهملت
إذا كنت للى منك ما راعيت
فهل بكلمة حب يخيل لك إن قلبى كسبت
قلبى ملكى هبة من ربى
عمرك حسيت إن لقلبك عيون وبيهم لقلوب العباد نظرت
أرى المتلونين والخائنين والمغتابين والحائرين
مايزعجنى لا أرى المحبين
بعد كتييير علمت أن القلوب المحبه مكشوف عنها الحجاب فيريها ربها ما خلف الأبواب
أبواب قلبك مفتوحه أيها الرامى بقسوه لأحبابك
فمحال تكون بيوم رامى لقلبى بسهام خداعك
إلى متى هذا الخداع الأزلى
أم هذا نقطه فى بحر بعالم دفتها كلما مالت تكسر شراعك
عجبت من قلوب عن عزتها تخلت
ولازالت بغفوتها تعشق وتتلفت
لله الأمر بعالم بطيبها إتعلت
وما بيوم بضميرها إختلت ومن ربها خَجلت
غدآ وعد الله الحق قادم لا محاله
فصبر جميل أيتها القلوب الخائنه المحتاله
صباح سالم
تعليقات
إرسال تعليق