علميني يا ليلى بقلم محمد كلش
علميني ياليلى
علميني علميني
عالصبر والاستمرار
ونسيني خوف الليالي
وحبيني بوضح النهار
حبك في قلبي عم يكبر
وعم يكبر في استمرار
بقولو للصبح عيون
وبقولو الليل ستار
لكن بعتم الليالي
عيونك تضوي مثل النار
تضوي وتنور طريقي
امشي وربك ستار
أمشي لانروح خطيفة
ومايحس فينا وﻻ جار
ترى مليت من القصايد
واني انضملك أشعار
طلبتك أكثر من مرة
ومن أهلك ذقت المرار
ابوكي عاملي ضابط
وكل يوم عندو استنفار
لوني عايش معاكم
لشكل ستين أفرار
لكن العشق محبة
وياخوفي يقلب مرار
وتدرين بحالي فقير
وماعندي قصر وﻻ دار
حبيني أنت لذاتي
وانتي بديكي القرار
هاذا زمن القصر العالي
والسياره والدولار
أنا صنعتي بدية
وعشت حياتي نجار
انحت عل الصخر القاسي
وارسملك إكليل الغار
وماعندي مي من براد
بشرب من زير الفخار
ومابقدرغير تاريخي
واعمل حالي من التجار
التصنع ماهو طبعي
وطبعي انا ماهو غدار
شاااعرالقواافي
محمد الكلش
توثيق هيام برهان
اشراف لطيفة يونس
تعليقات
إرسال تعليق