سجال بين البدري زايد و روان حسن
سجال انا اكتر واحد
بين كل من
Elbadry Zaied
Rawya Hassan
تؤام روحي
البدري زايد
أنا اكتر واحد يتكلم
ولا عمره ف يوم يعمل حاجة
وتملي ودايما بتالم
من قلة ردي على سماجة
وسماجة دا واحد متعلم
وعلامه غلاسة علي سذاجة
ويناطح حتي ولايسلم
ويبلطج والعيشة الاجة
وسماجة اليوم بيكلمني
وانا اكتر واحد متغاظ
آل عاوز يعني يفهمني
من غير ولا وعظ ووعاظ
ويقول للناس اللي في سني
اهو خاب ياخوانا وفعلا باظ
أنا اكتر واحد مش معروف
وباعز الدوغري واحب الكل
ولا بعرف ابدا معني الخوف
والعيشة معايا أهي زي الفل
أنا اكتر واحد قلت كلام
في الشعر ياسيدي وغنيت لك
وهديتك مني أحلي سلام
وانا لسة حاعاتبك وحاقولك
انا اكتر واحد جبت اجوان
ولعبت ف روسيا وهزموني
ولأني بادور ع النسوان
علي أرضي خسرت وهزوني
أنا اكتر واحد في السجالات
تلاقيني مدقرم ومعافر
ولأني الشيخ فح قولك هات
واديني ياروحي من الاخر
أنا اكتر واحد مستني
والوقت طويل
والبنا بيكتب ويغني
واللحن جميل
وف حبه انا ح افضل متهني
وح قول مواويل
أنا اكتر واحد م الروعة
مبسوط وبقول
المدح بتاعك مش سمعة
وان كان لي عزول
حيطق ويفطس لو سمعه
ويموت ويزول.
أنا اكتر واحد خدت مديح
من راوية قالت لي ان انت تمام
باشكرها عشان انا كنت صريح
وف شعري باغنيلك ياحمام.
أنا اكتر واحد من راوية
مبسوط وبقول
المدح بتاعك من زاوية
بيكيد لي عزول
حيطق ويفطس لو ناوية
علشاني يزول.
Rawya Hassan
انا شايفه ان كلامك ممتاذ
وبتكتب احلا حروف وكلام
اصل انت فى كلامك استاذ
وترص حروف وتجود بكلام
تحياتى استاذنا Elbadry Žaied
البدري زايد
أستاذة ياراوية ومن يومك
ف الشعر ياناس
أستاذة كمان ملو هدومك
كللك إحساس
أنا اكتر واحد ف الدنيا
بستني حضورك طول اليوم
وبااعد غيابك بالثانية
واتمشي ونام واسهر وباقوم
أنا اكتر واحد بيهاتي
ولا حد بيسمع أو يحكي
مظلوم وانا شاعر ياخواتي
ولا باعرف اصرخ أو أبكي
أنا اكتر واحد بتعالج
من جرح أخواتي وعمايلهم
وجابولي النقرس والفالج
ولاشفتش أبدا جمايلهم.
(الفالج طبعا يعني الشلل والعياذ بالله )
أنا اكتر واحد رحت وجيت
لفيت الدنيا دي شرق وغرب
وسعيت وارتحت ف حضن البيت
والحج دي اكتر حاجة بحب
أنا اكتر واحد حبيتك
وبنيتلك ع الرملة قصور
وانا أول واحد ربيتك
وعرفتك وانا طبعي جسور
وف بيتي عزمتك وف بيتك
تحلو العشوة معاها فطور
ولايمكن ابدا ااذيكي
ونا اكتر واحد بيحبك
ولاسكر ولا ضغط يجيكي
وإنا نفسي ف سعدك وف قربك
تؤام روحي
انا اكتر واحد بتعالج
ومن حلاوتك جانى سكر
مش ناقصة كمان الفالج
انا عارفة انك فى العند اشطر
البدري زايد
أنا اكتر واحد كدة هايم
علي وشي ومش شايل هم
وبنام وبشخر ونا نايم
وكأن أنا لسة ف حضن الأم
وانا اكتر واحد كدة هايص
ومزقطط وتملي سعيد
وان كنت ف مرة بقيت لايص
باستانف فرحي بقلب جديد
تؤام روحي
والله ياسيدى انا عارفة
وكلامك كله على رأسي
ومن غير قولك شايفة
وكلامك زين العقل وراسي
البدري زايد
انا اكتر واحد مكدبشي
والصدق طريقي ودنيايا
وبقول الحق ومبخافشي
طب اخاف من ايه وانت معايا؟
تؤام روحي
انا اكتر واحد بيصدق
والكدب عدوي اللدود
من غير ماتحلف ولا احقق
وعارفة انك احسن من فى الوجود
البدري زايد
أنا اكتر واحد ح اكتب لك
وقصايدي حاقول
جوابات ياحبيبي راح ابعتلك
مش ناقصة عزول
تؤام روحي
انا اكتر واحد بعترف
انك ساحر الحرف و الكلمة
فى لوغريتماتك محترف
وكلامك بيشحن ويزيد الهمة
البدري زايد
أنا اكتر واحد فيها برنس
واليط وشياكة ومتزفلط
ونضافة وذوق ولأني بحس
تلاقيني انا دايماً متحفلط
تؤام روحي
فعلا والله انت امير
وكلامك ماله زي
يالا سمعنا كتير
على ما أحضر الشاى😂
البدري زايد
أنا اكتر واحد كدة عكيت
وكتبت انا كل اللي ف نفسي
وكفاية عليكم كدة رديت
ولا عارف بكرة انا من أمسي
أنا كدة نعسان وياريتني ماجيت
النوم اهو كابس علي نفسي
تحياتي
شيخ السجالات
البدري زايد
تعليقات
إرسال تعليق