انا مش هنا بقلم صباح سالم
بقلبى صباح سالم
أنا مش من هنا
،،،،،،،،،،،،،،،،،،،،،
نفسى أغيب عن الدنيا واقعد شويه كتير بعالم الأحلام
نفسى أطير واتلاقى بنجوم السما واهمس للقمر والسحاب
وم افتكرش الأيام
نفسى أحب حد وأخده معايا
مشكلتى مش شايفه غير اللى ويايا
أصل أنا يا إخوانا حكايتى حكايه
أنا إنسانه بسيطه قلبها حاكمها
بس حويطه عقلها سابقها
بس بين الاتنين القلب بيعشق كل جميل
لو سمعت أغنيه أهيم
وإن كلمات عجبتنى قلمى يستلهم منها ويتحضر للكتابه ويستقيم
أصل انا مش ب اهدى ،، مقصدش عصبيه
بالعكس انا بهدوئى وسكينتى حسانى طبيعيه
بس جوايا واحده غيرى مستخبيه
رافضه دايمآ الواقع بالجفاء اللى فيه
علمتنى أهرب كتير
مش ب استسهل التخلى ..خالص
بالعكس أنا تملى ب اخطى خطاويا على مهلى
بس ب اتخنق ..جوايا الطيب بيتغير
حاجه من جوايا بتندهلى ..بتستغيث
إوعاكى أنه لا يحب ،، فقط طامع بملامحى
مقصدش الوجه ،، الهيئه ،، الجسد
خالص
بل طامع يقتل القلب ويسرق الروح ،، والسكينه يخطف
أنا عشت خايفه ،، عمرى ما ارتحت
وأنا كل يوم ب اشوفنى ب أيده ضعيفه ،، وهو بيهتف
نومى دومآ ب أحلامى ،، تاركه الليل فليس فيه ما أحبه
رغم إنى من عشاقه وياما كتبتله و إتمنيت قربه
بس الليل صُحبه ،،والصُحبه للأسف ماكنتش مُحبه
كانت ميته قبل اللقا وبعده
كانت عن المال باحثه ،،وأنا بالحب وتأليفه مَدرسه
أعشق الكلمه وأناديها دوا
أعشق الليل و أطلق عليه الهوى
أعشق الحب وأهيم بنهره وأتوه ب أركانه وأرفض الخروج
أحس الحب مروج خضراء زاهيه م الغروب للشروق
لكن بدون صُحبه ب تتغير الألوان ومتلاقيش بمروجك مكان
ورغم أن بالقلب بستان ،،، لكن دبل
فلا ساقى بتلك الأرض هدم الأركان وحطم القيود وأهدانى العنقود
بل قلبى بالجفاء هزل واختزل نفسه وعن العالم إنعزل
عشان كده أنا مش هنا ..أنا بالسما عند ربنا
لسه بنص المسافه متعلقه
شايفانى ديمآ ماشيه خفيفه بطريق طويل مش حاسه فيه بتعب
وكل ما أبص آلاقى لسه على الجانبين نهر ليا بيبتسم
وك إنه بيشاورلى ،، واصلى وكملى
وكونى كما أنتى ولا تتجملى
لا تحتاجى يا إبنة الصياد ل تفرى وتحلمى
عودى فلا زالت بدنياكى ورود تحتاج لكى
و بشدو قلبك إمنحيهم الهُدى والنصيحه والحب ،، وأصبرى
ف رضا ربك عليكى
جعلك بهذا القلب لحكاويكى له ومناجاتك تستمرى و للرضا تستسلمى
غدا أجمل ف إنصتى وصدقىِ
وإرضى وإهدئى وأريحى قلبك ،، وخُطا بكاه تجنبى
تعليقات
إرسال تعليق