سجال بين الام لولو والبدري زايد والشاعر جمال زكي عينر لشيخ السجالات البدري زايد
سجال بين كل من الام لولو .البدري زايد. الشاعر جمال زكي عينر
الأم لولو
لما صادف و اتقابلنا
بعد أيام الفراق
قولت كلمة سمعها قلبي
حاجة تشبه لاشتياق
بس أنا غمضت عيني
و اتخنق احساس حنيني
كان يا دوب بينك و بيني
لحظة و ندوب ف العناق
روحي هربت من ضلوعي
و اشتهيت لحظة رجوعي
فجأة هزمتني دموعي
و الحنين جوايا فاق
شوفت لحظة مااتعاهدنا
و الغرام بيبوس ف إيدنا
كان يوميها يوم ميلادنا
بس غيرتك نار و قادت
قلبي راح حالف يعاندك
و أنت زدت كمان ف بعدك
ليه نسيت حبك و عهدك
ليه ساعات الجرح زادت
خطوة جيت قربت جهتي
قولت راح تكمل حكايتي
بس عينك جت عليها
قولت أقدملك خطيبتي
خطوتين و طريقي خانني
غصب عني توهت مني
و افترق بينا الطريق
ليه بقى كنت مقابلني
..
رد البدري زايد
روعة واسمحي لي بمداخلة ع الماشي
هو لعب عيال يالولو ؟
ولا حب القلب داب
والله مهما الناس يقولوا
برضه حنعلي الجواب
لو يعدي الليل بطوله
إنتي عندي ف السحاب
واللي حبك لو عزوله
حب يعمل فيها ناب
واللي غاروا لو ساقوله
ألف واحدة م الشباب
انتي زينت التوب ونوله
وانتي اغلي م الصحاب
هاتوا قلبي واغزلوله
بدلة بيضة والكتاب
اكتبوله واشرحوله
إن حبي ماعمره غاب
إن حبي ماعمره غاب.
تحياتي
شيخ السجالات
البدري زايد.
رد الشاعر جمال زكى عينر
والخطيبة اللى ف أيديه
اعمل ايه فيها يا لولو
روحوا لعم البدرى زايد
فهموه طيب قولوا له
رد البدري زايد
نصب وحياتك ياعمي
في الحقيقة دي بنت امي
اختي قول في الحب يعني
زي برضه بنت عمي
نيتي صافية وناوي
ابقي مخلص مش مخاوي
ويا لولو العيشة تحلي
حتي لو للعشق غاوي.
تحياتي
شيخ السجالات
البدري زايد
رد الشاعر جمال زكي عينر
الله عليك يا عمنا
فلت خلاص وغلبتنا
روح مبروك لولو عليك
وحنيجى لو عزمتنا
رد البدري زايد
انتوا تيجوا فوق دماغي
يابا وعيالكو كمان
لو في شغلي أو فراغي
دا انتوا أهلي من زمان
أما لولو لو تناغي
لولو دي كل الحنان
لسة بيبي صغننة
دى حفيدتي ياجمال.
هههههههه
تحياتي
شيخ السجالات
البدري زايد.
تعليقات
إرسال تعليق