أهل قبلي بقلم شيخ السجالات المبدع البدري زايد

-
أهل قبلي 

قبلي عشقته بخيره وناسه 
أهله لقلبي ياناس حراسه 

من أول ماتخش الجيزة 
تلقي الخلق نفوسها عزيزة 

واوعي تفكر نفسك ضيف 
دة انت ف أهلك في بني سويف

فيها مشايخي وسيدي وأهلي 
فيها أصول الخير تندهلي 

واما تحود ع الفيوم 
تلقي سواقي الخير بتعوم 

واما تقبل تلقي المنيا 
طه حسينها دة اد الدنيا 

وف ساعتين حتكون مبسوط 
لما تقرب من أسيوط 

ياما سهرت ليالي ف نيلها 
علشان كدة برضه بغنيلها 

خد تفريعة وخش الوادي 
تلقي حلاوة أرض بلادي 

أما اللولي ف وسط التاج 
مش حتشوفهم غير في سوهاج 

اجدع خلق ف مصر بحالها 
هما جنودها وهما رجالها 

واقرا الفاتحة وقلبك ناوي 
يتعطر ويقول ياقناوي 

جيت لمقامك قنا بالذات 
فيها حبايبي واعز اخوات 

فيها رجولة وطيبة وأصل 
مدرسة هما اساتذت فصل 

واركب كدة حنطور واتمخطر 
وانت بتتفسح في الاقصر 

واما تزود علي أسوان 
تلقي شهامة ف كل مكان 

تلقي عماير زي السد 
تلقي الطيبة ملهاش حد 

دولا صعايدة عشقهم قلبي 
دولا رجولة ودولا حبايبي 

وارجع تاني واغني ياناس 
عن شهامتهم وباخلاص 

قبلي عشقته بخيره وناسه 
أهله لقلبي ياناس حراسه. 

تقبلوا تحياتي 
شيخ السجالات 
البدري زايد.

توثيق لطيفة يونس

تعليقات

إرسال تعليق

المشاركات الشائعة من هذه المدونة

هم اهلي...للشاعر عبدالله سكرية

-
  إنّها الهبّةُ العربيّةُ المشرّفة تضامنًا مع بيروتَ عاصمةِ العواصمِ . مثَلُ المؤمنِ للمؤمنِ كالبنيانِ المرصوصِ ، يشدُّ بعضُهُ بعضا . .......... همُ أهلي ..  صباحُ الخيرِ، يا بغدادُ ، يا وطني ،  ومِن بردَى صباحُ الخيرِ والنّور ِ أناديكُمْ ، أحيّيكُمْ ، فتطربُني ،  علامُ الشّرقِ ِ منْ فلٍّ وبخُّورِ ومن سهلٍ، إلى جبلٍ،أخاطبكم ،  هنا لبنانُ ، يا ملفى الأزاهير ِ ومن قدسٍ ، إلى يمنٍ ، إلى نجدٍ ،  إلى الأهرامِ يا نبعَ الأساطير ِ ولي في دارهِمْ عربٌ ، أُحَيبابي ،  ذوو رحِمٍ ، وساحٌ للمَعاطير ِ مضائقِنا ، طوارقُنا ، مفاخرُنا ،  هـمُ أهلي ، وعطرٌ للقواريرِ ومنْ قلبي أُنادي إذ أحَيِّيكمْ  فيا ربّاهُ ، لطفًا في المقاديرِ... عبد الله سكريّة .
قراءة المزيد

حكايتي مع الحزن..بقلم ربيع الأيام

-
 حكايتي مع الحزن.. الحياة أمامي ولم أرى منها شيء... والحب موجود لكنه تجاوزني ولم يبقي لي غير كمشة من ذكريات لا تموت ابكيها وتبكيني..  انا وقد تجاوزت كل المحن كل الظروف الصعبة ولازلت اتغلب عليها لم تعد لروحي حياة لم يعد يكسرني شيء لقد تخطيت مرحلة الانكسار.. لا صديق ولاحبيب تخطيت كل ذلك بمفردي خانني الحبيب والصديق ومنذ ذلك الوقت وأنا أطوف حولي ألملم ماتبقى مني واضمد جراحي وكلما التام جرح جد بالتذكار جرح ولازلت اقاوم لازلت صامدة..حتى آخر رمق.. لتمضي هذه أيضآ لاتحزني فأنتي لم تفرحي أبدا  فالحزن مقدرا عليك.. ربيع الأيام /  حكاية حزن
قراءة المزيد

#إهداء - لأم الشهيد...بقلم الشاعر مؤمن حماد

-
اهداء لأم الشهيد ام الشهيد ندهت وقالت أنا وكل أولادي فداك يا بلادي أنا ربيتهم وكبرتهم لأجل الساعه دي علشان لا يقولوا مات جبان ولا مات م الخوف ده مات بطل مات شهيد زغردي يا أم الشهيد  واندهي القريب والبعيد الليله دي عندنا عيد هنزف عريس الجنه وبدمه رسمنا الحنه افرح يا شهيد واتهنا واستنانا علي باب الجنه يا سعدك ويهناك الحور العين بتستناك وتتمنى لقاك ورؤياك لفوه بعالم مصر وهاتوا لنا راية النصر أنا لو عندى  مية ولد مش خساره فيك يا بلد أخوه شال سلاحه وقاللى هكمل كفاحه ومش هسيب حق ال راحوا دول راحوا لأجل إن إحنا نعيش إذاى اسيب حقهم هو خلاص النخوه مفيش اخويا وصحابه استشهدوا علشان نعيش في سلام وأنا عمرى ما هنسى ابتسامته والكلام كان دائما يقولى عيش بطل ولو  في جبال ولا تعيش في قصر بمال مش حلال ويوم ما الوطن يطلبك اضرب له تعظيم سلام  وصاحب راجل ولو قليل المال وأبعد عن صحاب السوء والشلة الشمال امنيتى يخويا إنى  أموت شهيد بس اشوف راية بلادي بترفرف لبعيد  وقول لأمى متزعليش إبنك مامتش لا خائن ولا ج...
قراءة المزيد