محتاج للحنين ..بقلم الشاعر أشرف رسلان
(مِحتاج للحنين....)
*************
مَهما طال العمر بِيَّه
ولا عَدت السنين ......
أنتوا ياأغلى مَاليَّه
لِسه مِحتاج للحنين....
يَاما باتْمنى دُعاكِ
في صَلاتك و ف لُقاكِ ..
مَهما طال العمر بِيَّه
ولا عَدت السنين .....
لِسه مِحتاج للحنين ...
والنصيحة والحِمايه
واللي في حُضْنُه اِرْتِمايه ...
أنت ياأعظم كبير
ياابا لينا كُنت صاين....
مَهما طال العمر بِيَّا ..
ولا عَدت السنين
لِسه مِحتاج للحنين .....
وإنتَ ياأخويا وصاحبي
أوعي تُغدُر بِيَّه مَره ....
وإفتكر أيام زَمان
لما كُنت بَخااف عليك ...
لما كُنت بِتِيجي جَنبي
تِشكي ليه علي وَجْعَك ...
أجري بِسُرعه وأحارب
لَجل مَاأمحي كل آلمك...
وأشوف البسمةفي عينيك..
خلاص نسيت...
دلوقتي لِيك أُسرة وعيله....
واللي شُوفته
هاشُوفه فَيك...
مَهما طال العمر بِيَّه
ولا عَدت السنين ...
لِسه مِحتاج للحنين ..
وإنت يابني يَاللي
كُل الحُب لِيك ......
بُكره تِعرف يَاحبيبي
قَد إيه تِعبت لِيك .....
قَد إيه فِرحتْ لِيك ...
بُكرة تِعرَف حُبي لِيك...
لما إبنك يبقي زَيك
بعد فوات الأوان ...
مَهما طال العمر بِيَّه
ولا عَدت السنين ...
لِسه مِحتاج للحنين..
وإنتي يابنتي ياغاليه
يادُرة القلب الحزين ...
إوْعِي القسوة في قَلبِك
تُملُكه... أنا ليه مين ؟
روحي هَايمه في الأرض بِيكِ
ياحلم السنين....
انا ليَّا مين ؟
مَهما طال العمر بِيَّه
ولا عَدت السنين..
لِسه مِحتاج للحنين...
✍أشرف رسلان
تعليقات
إرسال تعليق