رص الكلام بقلم الشاعر اشرف رسلان
رص الكلام
✍أشرف رسلان
🍃🍃🍃🍃🍃🍃🍃
رص الحروف إحساس
إوعااتاك تِتُوه منهااا
مِ القلب طَالعة ياناااس
ليه بس حاسدينهااا
فِيها حُروف تِتباااس
من إيد إللي رصينهاا
وكلام رِخيص ينداس
زى إللي كاتبينهاااااا
رص الحروف مدرسه
نِقرا ونِتعَلم
أصل الكلاااام مَعلَمَه
بَس إحنا نِتكلم
و مَزاجي فِي الرَّصه
خَلى العَويل بَلِّم
رَص الكلام تَحاويج
م الحُزن والفَرحه
دا شِعر مِش تَهريج
فِيه القِلوب سِمحَه
رص الكلام حَرفنه
بس إحنا نتعلم
نبعد عن المَكلمه
نلقى العدو يسَلِم
رص الكلام صافي
من القلب لو دافي
إن كنت يوم كاتبه
لأحبابي يكون شافي
رص الكلام دا محبه
إن كان من العاشقين
مَغني وسعادة وفرحه
ومعطراه رَياحين
رص الكلام ياأميره
يِحلَى مع الأحباب
رص الكلام متعه
بيوضح الأسباب
رص الكلام مطلوب
في الشعر والمغنى
يكون كلام مَرغوب
في الاصل ليه معنى
رص الكلام متعه
لو كان من الغاليين
بس العمل نعمه
والرب هو معين
رص الحروف وياااك
دي نعمة من ربي
وعيوني تستناااك
قول .. يالله ماتخبي
رص الكلام ترانيم
وأغاني متنغمه
وليها نطق سليم
مش هري أو همهمه
رص الحروف دا قاموس
ليه نظم متنوع
المعنى فيه مدروس
فيه الحروف أروع
رص الحروف م القلب
احلى ولو مكسور
مش اللي هب ودب
بروزها صورة وسور
تعليقات
إرسال تعليق