غزليات متناثرة...بقلم شيخ السجالات المبدع البدري زايد
غزليات متناثرة
جمالك في الهوا بستان
وحبك وهبة م الرحمن
يامالية القلب تنهيدة
بحبك والجليب عطشان
جمالك ربنا يصونه
عباده واحنا في كونه
بيسترنا ويحمينا
وخالقك محلا تكوينه
جمالك للعليل موصوف
وحبك زيه عمري مشوف
يااحلي م الجمال كله
حبيبك في الغرام مخطوف
هو قلبي لما حبك كان جبان ؟
ولا هربان م الميدان ؟
أصله سلملك سلاحه
واتكوي وسط النيران
هو ليه القلب اللي حبك
واللي جنبي واللي جنبك
كلهم وصوا عليكي
هما حطوني ف قربك
خبي عني عينيكي دول
وابعدي أحسن ح قول
ع اللي بينا للجميع
والكلام مهوش خجول
البسي نضارة تانية
واهربي مني لثانية
ح انتقم منك ضروري
ياللي كنتي عليا جانية
القلوب الصافية فين ؟
قالوا تاهت من سنين
واتكتب دوغري عليها
حب وحياتك حزين
رماني الحب في سجالك
ياحبي والهوا جالك
فقلت حبيبي يبعت لي
عليك أسأل وعن حالك
شاركت سجالكو شجعني
واكتب ع الغرام يعني
كلام يمكن يداويني
وقول واكتب وسمعني
علي باب العشق انا ح اكتبلك
معرفتش بعدك ولا قبلك
وباحبك وف كل كلامي
باكتب لك شعر وباندهلك
علي باب العشق حفر اسمي
عاشق ودك عرفي ورسمي
وباحب اكتب كل حروفك
ياحبيبي ورسمك علي رسمي
تحياتي
شيخ السجالات
البدري زايد.
تعليقات
إرسال تعليق