واحشاني يامه..بقلم الشاعر عادل عقل
وحشاني يا أمه
والله والله
وحشاني ياأمه
يا أغلي من
روحي ودمي
ورغم فراقك
وبعدك عني
شامم ريحتك
وأنفاسك
ال بتعطر أنفي
ولما أصادف
حد يزعلني
بنادي عليك
دايما بقلبي
فينك يا أمه
شايف روحك
محوطاني
ودايما واقفة قدامي
بتعدي عليّ وتنادي
بأجمل صوت
يارب يسترك ياابني
ياأغلي عندي
من نفسي
وتفضلي يا أمه
تدعي لي
بعدد أوراق الشجر
والحصي والحجر
يارب يكرمك ياابني
ياحته من كبدي
وتمتمي بيها
بصوتك الحنون
ساعتها تترد أنفاسي
وأقول ليك
يحرسك ربنا العالي
خالق كل البشر
ولما بتسهري
معايا لما بذاكر
فاكر والله فاكر
ياأمه لما تلفي
وتفضلي تدوري
علي لقمة
تعشيني
ولما ماتلاقي
في البيت إلا
رغفين وحتة
تقومي تعمليلي
قل أيه دقة
الله علي طعمها
ما دقت عمري زيها
ولما أكلتها
لسه طعمها
علي لساني
مكفياني
لحد ماأموت
وتقولي لي
بصوتك الحاني
ينجيك يا ابني
من مر الليالي
منين ما تفوت
فاكر ومش ناسي
دموع الفرحة
في عيونك
وتلملمي هدومك
وتقعي وتقفي
فرحانة يوم
لما نجحت
ولما أتجوزت
قلت خلاص
أنا عليك أطمنت
أنا فاكر كمان
ضيا لونك
ال هو من لوني
وضحكة صافية
ماتعرف زيف
وحياء أنثي
وأنت بتضمني
وأن غرقان
في أحضانك
انا والله
بحبك موت
لحد ما أموت
عادل عقل مصر الاسماعيلية في ١٦ \ ٩ \ ٢٠١٩
تعليقات
إرسال تعليق