عيرتني بالشيب وهو وقارووو...بقلم الشاعرة المبدعة فضاء فتالة

عيرتني بالشيب وهو وقارووو

جاهل الخمسين ومابعد:

بهاك الضيعة بذكر اثنين صغار  حبّوا بعضهن بقلوب جهلاني *

ومضيتْ سنينون ع سطح هاك الدار    ينثر لشعرا غزل ويصفصف غناني *

وبيوم إجاها من حدا مرسال     يقلها يابنت زمانك  غير   زماني  *

صرخت من الألم   كيف وليش وشو صار    تاري  في حدا بقلبوا  آخد مكاني *

ومضيت الإيّام ودولاب الدهر دار    اندق باب بيتا وركدت مو وعياني *

طل القمر من بعد طول غياب    بعيون مبللّة تيابوا  بالندم غرقاني *

قلها يابنت إشفي جروحي من البعد منصاب    إنتِ حبّي الأول ومابعدك حب تاني *

ضحك قلبا من الخجل..... وعيون عم تغزل غزل ....

  قالت من انتَ ومن ذكرك بعنواني *

يا جاهل الخمسين بعد ما شعر راسك شاب   

راجع اتزكرني بغلطة زماني *

اتجوزت وولادك صاروا شباب    وقلبك بهالعمر بدّو قصطرة وتجديد شرياني*

البعمرك صار جد وعلى حفة التراب    لاتخطي بملعبي والعاب بملعب تاني*

لا تقلّي بنت واتزكرني بحبك الكذّاب    كذباتك مابيمرقوا عليّ حتى بشهر نيساني *

غصّة ألم......لحظة صمت وندم....سكرتْ بوجهوا الباب ....

رجعت على فراشا تحلم عالهداااا......يمكن تكون بجاهل الخمسين حلماني ؟؟؟؟

الشيب هييييبة    بقلمي  فضاء مطانس  فتالة