أيام زمان ...بقلم الشاعر أشرف رسلان
أيام زمان
✍أشرف رسلان
🍃🍃🍃🍃🍃🍃
هي فين أيام زمان
لما كَانت بيوتنا طِين
لما كُنا صُغيرين
كانت القلوب فِينا صَافيه
تَحت شَجرة تُوت وتِين
ولا غَدوَة في العَصاري
وَياصَاحبي جَنب جاري
جَنب جدي وَيا خالي
قَعدِة أُمي جَنب سِتي
يقعدوا يحكوا ف حَكاوي
وِاحنا نِلعب جَنب ساقية
نجري ونغني غَناوي
الفَرحة تِملا قُلوبنا
يوم عَجين وراه خَبيز.
على الحَصيرة لو فَرشنا
مِجَمَّعه فُوقها عَزيز
مَرصوصين حوالين صواني
فِيه مَحاشي والمِحمر والمِشَمر
كُله يِعزم علي جَنبُه مافِيش أناني ...
إتغَيرِت كُل المَعالم
رَاح خَلاص طِشت الغَسيل
شَجرة التُّوت قَطعوها
الكَافيه كَان البَديل
الحَصيرة زي الضَّمير بَدلوها
حَياتنا أهي مَاشيه بالريموت
الإخلاص والمشاعر خَلاص
وإللي فَات بَقا ذِكريات
والكلام م الحلق طلع
زي الرُّصَاص
تعليقات
إرسال تعليق