عامل حالك ديك ...بقلم الشاعرة د. هيام برهان

عامل حالك ديك 

ونافش ريشك...

مفكر حالك دونجوان 

وسلطان زمانك ...

ما كل طير 

بيتاكل لحمه يا شاطر ..

مصدق انو ما في غيرك الظاهر ...

تواضع  وما  تشوف حالك كتير ...

لازم تعرف غرورك 

بيخليك تصير صغير..

مع احترامي لكل الشباب

 ما بقصد حدا معين...

ولكن بعض الشباب

 عندهم  غرور

 مفكرين حالهم مهمين ..

عاملين متل الديك

 نافشين ريشهم 

كأنهم شغلة كبيرة ..

مفكرين انو بنات الناس

 لعبة بيضخكو عليها

 بكلمة صغيرة ..

ما تفكرو انو بالغرور  والغطرسة الناس بتحترمكم...

انما بالتواضع 

 والأخلاق الحسنة

 الكل بيقدركم...

هيام برهان