إليك ضي قلبي...بقلم الأديبة صباح سالم
إليك ضى قلبى وهدية الرحمن
ثق بربك ودعوة أم بقلبى صادقه
تستحقها لرقة قلبك و حنيتك و بِرك
إرفع يا ابنى أعظم شعار
الأول اذكر ربك و صلى على حبيبك الفارس المغوار
واقتاد بيه تنكشفلك الأسرار وتنزاح من سكتك الأسوار
ويتوه عنك كل حصار ويراعيك ربك وتتحسب م الأخيار
التانى
لا للإنكسار
لا للإنحسار
لا للإنحدار
واسلب طولك وقول امى لسه من جواها
بتقول الدنيا لأبو قلب هين العامر ب الإيمان
مالنا بقى يا ابنى بالمتلونين والأشرار
تلقاهم أسوأ الخلق ،، وفكرهم صاروا بكده شطار
الإحتقار فصيل متخصص ليهم حتلاقيهم كتير
أما اللى يعاديهم
دول بقى اللى كل همهم بس آخر المشوار
تحس بينهم وبين ربنا أكبر عمار
خليك وسطهم وفيهم اتحامى
دول سبب لبقاء الإنسانية اللى اتخلقت ليهم
معاهم تلاقى نفسك ،، فثق فيهم متعش محتار
وبرضه خد بالك وإحسن الإختيار
فليس كل جميل أزهار ، وليس كل دميم جبار
ومتنساش الحياه أكبر إختبار
فاجتازه بنجاح ومتخترش من غير ما تحس اللعب ب النار
اللعب بالنار بيمرر القلب مُر الصبار
كفاك الله شره وشر أربابه
وشملك مجبر القلوب ،، وقسم لعمرك وأيامك وقلبك الإزدهار
وإعرف ان كل بدايه ليها نهاية مشوار
ف احسب خطواتك وارسم نجاحاتك وارتقى ك مزار
أربابه كانوا مثلنا بزمن ماضى وبقت ذكرى منهم للحضاره منار
فكن كمن سبق ،، ولا تكن كمن ب اذيته للعباد هلك
واجعل بينك وبين ربك عامل مشترك
وحذارى تاخدك الدنيا وتوقعك بالشرك
والشرك يا ابنى أنواع
شرك مرق جواك وسهرك
وشرك عن ذكر ربك ابعدك
وشرك تعمل صاحب للى من جواه يتمنالك الغرق
فكن دوما صاحى وكن لكل شيئ حولك واعى
ولا داعى لصحبة المغتاب والكداب والمنافق وابو وشين
وذالل الشباب ومخاوى الشياطين وقليل الدين
دول يا ابنى سبب خراب الدنيا ليوم الدين
واخر كلماتى وافتكرها لو روحت وارتحت بمكانى
متكونش قاسى وكن متزن وراسى
وارحم بقدر قدرك واعفو ولا تكن مجافى
بس رجاء اللى باعنا متشترهوش
واللى خان متعاشرهوش
واللى ظلم بيوم أمك ولا اختك متسامحهوش
واخر كلماتى والله عليا وعليكم شاهد
اللى يداديك عشان فيك طمعان متأمنلوش
لا تدخل معاه بعمل ولا شراكه ،، بس من اللقمه متحرمهوش
وأهم حاجه عند رحيلى ميقفوش ميشيلونيش
ف حياتنا كانت هاديه وبيهم صارت كوابيس
أسماءهم بورقه مكتوبه
فوصيتى ليكم محدوده
عيشوا بسعاده ملمومين وإوعاكم تتفرقوا وإبعدوا أى حد يفرق
فيكم اللى حيغرب و اللى حيشرق عادى
المهم قلوبكم تكون على قلب بعض ،، بالغل متنكويش
وسامحونى لو بيوم شديت
أصلى كبرت يا ابنى والدنيا عليا حطت
فِكرها إنى وحيده
متعرفش إن ربنا حبانى بمحبتكم
واللى اشتراها وباعنا ،، بنظرى حتى أموت ميساووش
وآخر رجاء متنسوش اللى ساندوا قلبنا ومتكبروش
وزى م عنا متخلوش
بكل وقت كونوا ليهم كنسمه الهواء اللى من غيرها منعشوش
حبايبى وحياة ربنا متنسوش
إن الضحكه على شفايفنا كان بسبب رجاله متخلوش
ف احذروا ،، فقد كثر بزمننا الأشباه اللى مبيختشوش
وربنا يا ولادى على كل ظالم آذانا وملانا رتوش
وسامحونى على أى تقصير منى
بيوم تاهت فيه ضحكتى
وإختفت خلف شاشه تحكى قصص البشر الطيبين والوحوش
،،،،،،،،،،،،،،،،،،
بقلب أم ،، لا للإنكسار
بقلبي صباح سالم
تعليقات
إرسال تعليق