ردا على صديقه راشد شيخ السجالين البدري زايد يرد على سؤاله من ايمتى بتكتب الشعر
ردا علي صديقي راشد الذي تساءل بتكتب شعر من امتي ؟
ايوة ياراشد بيه ياحبيبي
ياللي كلامك حلو صحيح
أنا باكتب من يوم ماطبيبي
قاللي علاجك شعر فصيح
م الإعدادي كتبت قصايد
واتذاعت وانا لسة صغير
فهمي عمر ف الراديو ياراشد
قال دا البدري كلامه يحير
ف البرنامج العام ومجلة
ع الهوا ذاعها بكل حنان
واما كبرت بقيت بتسلي
بص كمان وطبعت ديوان
واما ف شعري بقول حكايات
دي حاجات هامة وعامة ياناس
ولافيها تخصيص بالذات
باكتب فيها يادوب إحساس
باكتب فيها كلام موزون
أصل الشعر دا فن وذوق
مش متكبر ولا مجنون
ولا متكسر ولا محروق
ومبعرفش اشتم علي حد
ولا باتريق ع المخاليق
أصل انا راجل دوغري وجد
ليا ف كل مدينة صديق
عايش وسط الناس بالحب
هما الاهل وهما المال
وانت حبيبي وجوه القلب
ويصبرني علي دا الحال.
تحياتي
شيخ السجالات
البدري زايد.
عضو رابطة الزجالين
تعليقات
إرسال تعليق