أنا حالف ماتبكي عيني...بقلم الشاعر ناجح عبد السلام
انا حالف ماتبكي عيني.
علي الي باع سنيني.
ما رحمش اشواق حنيني.
هنساه وهنسي انيني.
مش هرسم امل كداب.
ولا هرجع لك تاني ياعذاب.
صعيب جرح الاحباب.
يا ريت يا زمان تداويني.
انا قد كل لحظة حرمان.
ولا هندم علي الاحزان.
خليك فاكر يا زمان.
هنسي حبه مهما يناديني.
لو كان علي الالام هداويها.
وهنسي جراح لياليها.
ولا هيندم قلبي عليها.
اكيد الفرح في يوم هيجيني.
خلاص هعيش ايامي.
دايما هبص لقدامي .
ولا هرجع اعيش في الامي.
ولو كل الناس تعاديني.
كلماتي ناجح عبد السلام
تعليقات
إرسال تعليق