درس معلم...بقلم الشاعرة جيهان النجار
درس معلم💔
شعر/جيهان النجار
============
أنا مش ممكن
هقدر أسامح
فعلك فارق
أدى لموت
قطر دهسني
كده على فجاءة
من غير تووت
ولا حتى صوت
داسني بقوة
داس ف سكوت ..
نام مبسوط
إوعى تحس
بذنب تجاهي
إوعى تقدم أي تنازل
ولا تمضي
على أي شروط
عيش بالطول
والعرض معلّم
عد قلوب
وبختمك علّم
والايام دايما بتعلّم
ما التعليم لو كان مجاني
هنموت
ولا يمكن نتعلّم
شفت كلام
مخصوص في عينيك
قلت دا طبعك
كله إيمان
كله حنان ..
كنت غبية
وإنت معلّم
على وشي
قلمك راح علّم
مسمعتش من بعده صوات
عدّى القطر من فوق راسي
زى قشاط
( لعبة ) وراحت
حادث فات
الله ينور .. درس معلّم
منهج كامل شرحه ساعات
بارع جدا
كل دروسك
مكتوبة بفن وحركات💔
تعليقات
إرسال تعليق