الدنيا ناس وناس...بقلم الأديبة صباح سالم
عايشين بدنيا غريبه ناسها أعجب
ناس
بفكرهم الخطأ ،، وسط العباد مسببين أزمه
و رغم قوتهم وشرهم ،، ب نحِسهم مالهومش لازمه
لكن إحترس ،، فتلك القلوب على نشر الفساد عازمه
حكاياتى واقعيه من قلوب بالحكاوى سخيه
دى بقى بكل بساطه حراميه نصابه ومن العالم هاويه السخريه
عيالها نصبايه أحكام عليهم
وبسوء تربيتها أنجبت للعالم احقر ذريه
متعرفش تاخد معاها حق ولا باطل ،، أصلها لتاته ومفتريه
ودى بقى اللى ربنا حباها بنات وبنين
وبدل ماتتقى الله فيهم ،، سرحتهم للغوايه والتسليه
ودى اللى إحساسها منهار ك سِت
وفكرها الأنوثه وقفتها بالبلكونه بملابسها الداخليه
ودى بقى الشريره بلسانها ،، المغتابه النكديه
ودى بقى اللى ما بتحمد ربها ،، تلقاها بعالمها أكبر رزيه
ودى بقى اللى بتعمل كل حاجه ،، على عينك يا تاجر
ومحدش قادر يعمل معاها حاجه و ك إنها محسوبيه
ودي بقي اللى ماسابتش فرض ،، والحقيقه كانت بده متغطيه
ودى بقى اللى وردت قبل الآوان ،، بفعل زوج أم وملاغيه
ودى بقى اللى بتساعد أهلها ،، وك إنها إتخلقت للتضحيه
ودى بقى اللى صبرت عا الأذى وربنا رزقها بأرق صبي وصبيه
ودى بقى اللى هانت عا اللي منها ،، وربنا نصرها بليله قمريه
*** وده بقى
سمسار بيأجر لأى حد ،، حتى ولو للعرايا
المهم المعلوم و آهى ظبطايه
وده بقى اللى مستواه وسط العباد عالى
بيصلى ويصوم ويؤم الناس وراه ،، وحقيقته خاين رعايا
وده بقى مسئول وله مكانه
هوايته مضايقة الحريم بالخاص إبن الرغايه
وده بقى اللى اتجوز بيئه ،، لجل يلقاله حمايه
وده بقى صاحب لقمة عيش
واللى بيتحرش ب إفترا بقلوب الضحايا
وده بقى اللى على مراته بسموم كلامه افترى
عشان بس رافضه تعيش معاه ،، نصبلها بكل أذن ألف سِمايه
وده بقى اللى بكيفه إشتغل قواد وك إنها بحياته كِنايه
وده بقى اللى وعظ وفتى
وبالنهايه لاقيناه حدوته مغلوطه ورا أحط مرايا
وده بقى اللى إغتصب الأرض بجبروت فاكرها ورثايه
وده بقى اللى صمم يصون العرض والتمن دمه
ده بقى كل نقطه من دمه ب ألف حكايه وحكايه
العالم دى مالها وليه نسيت رب البرايا
ياااارب عارفه الدنيا ناس وناس
ف ليه صعبتها علينا وقسمت لنا قلوب لا تعرف الهدايه
الله قوى وعادل وبقدرته ح يعدل بالدنيا وح يحاسب بالنهايه
وسنلتقى ،، لتكتمل بقدرة الحق أغرب حكايه
،،،،،،،،،،،
بقلبي صباح سالم
الدنيا ناس وناس
تعليقات
إرسال تعليق