في مولد سيدنا محمد عليه الصلاة والسلام بقلم الشاعر البدري زايد
مولد سيدنا النبي صلى الله عليه وسلم
لما شفت النور
ف قلبي
والصبايا الحور
وحبي
والهنا المبدور
ف دربي
واتمليت بالخير
ياربي
عن يميني وعن شمالي
سور بيحفظني وفوقي
حتي لما يدور
بييجى
لما يبقي تحت مني
والشيطان بيغور
وجني
يتحرق وبخور يشيلني
زي طيف مسرور
لأني
كنت سابح ف البحور
ويا نور طه الرسول
حالة اقوي م السرور
انتابتني
ذكري؟ ولا دي الأصول؟
اللي جاتني بالبشارة
مولده
عم القصور
والصحاري
والجسور
خلا مني الوجد زاد
والسكينة تملا كوخي
واللسان بالذكر قاد
والصلا تلملم شروخي
والقي نفسي جوة حالة
مبتهل وباقول قوالة
احلي من كل اللي فات
لأ ودي بكل اللغات
عن ميلاده طب وسيرته
اللي مليانة حكايات
سنة أو قرآن حتلقي
معجزة م المعجزات
وتلاقيني ساعتها شاعر
ماامتلكش الا السكات
والصلا ف جهري
وسري
ع النبي لحد الممات
ع النبي لحد الممات.
صلوا عليه.
مع تحياتي
شيخ السجالات
البدري زايد.
تعليقات
إرسال تعليق