طمني ياسيدي عليك...بقلم الشاعرة جيهان النجار
طمني يااا سيدى عليك
شعر/جيهان النجار
=============
صباح الخير ياروحي .. أكلت ؟
وإيه أخباره دور البرد !
طمّني .. ياقلبي عليك ..
عشان قلقي بيشغلني
عن الدنيا وما فيها
وروحي تايهة جوايا
وعينها عليك
ونبض القلب متشحتف
بينده ليك
وأنا كام مرّة نبهتَك
بلاش تلبس خفيف فِ البرد
عشان عضمك .. عشان صدرك
عشان يا قلبي راح تتعب
وانا لَجل التعب .. هتعب
مانا مقدرش أشوفك يوم
ولا ساعة .. ولا ثانية
كدة تعبان ..
وأنا أعمل إيه عشان تسمع
كلامي فِ مرّة ومعصَّبش
من طيشك ومن عِندك
ده لعب عيال
على فكرة
ومش همَّك كدة قلقي !
... سنةاا سوخةاا !
هقولك إيه ..
ده أعصابي خلاص فلتت
وراسي كرمبة منفوخة
وعيني زايغة مِ الدوخة
وكلِ حاجة بعملها ..
ماكمِّلهاش !
وعارف ليه ..
عشان إنت إللّي بتجدِّد
دِفا دمّي .. وشرياني ..
وهايمة فيك
عشان إنت نعيم روحي
وأنا يا روحي .. عايشة بيك
فمعلشي لو اتكرَّمت
تيجي ف مرة على نفْسَك
وتلبسلَك صِديري صوف
عشان مقلقش على نفَسَك
لو اتأخرت .. ريَّحني
وطمني يا سيدي عليك ٠
تعليقات
إرسال تعليق