الولد محمدين...نص باللغة المحكية بقلم الشاعر عمرو طه

.............  قصيدة ** ((  الوِلْد  محمدين  ))  **  ..............

  بقلم //  **  عمرو طه  **

كانت ساعة فجرية الليل بيودع ناسه والصبح نوره لاح بعنية

. قولت يا كريم واتناولت فطوري ويا اهلي وبعدها عالجهادية

.. استنيت اخواتى لأسلم  عليهم  ودموع الحب شافوها بعنية

..  بوست إيد ابوية وقولت ادعيلي يابا وأنا مدد لك أهو ايدية

. قالي ياولدي ربي وقلبي راضي عنيك وابتسامته اللحظة ديه

.هملتهم قولت سلام عليكم احباب اشوفكم الاجازة إللي جاية

. .واتجمعنا أنا وأصحابي و توكلنا كلنا  علي رب الكون والبرية

. .وفي الطريق هفت علي بالي البنت خطبتى الجميلة  الصبية

.. مسكت قلمي لاعتذر لها إني مشيت فجأة ومسلمتش  بأدية

بدأت اكتب  أجمل كلام وعشت الاحساس وتخيلتها ناظرة ليه

. فضلت اكتب اكتب وأنا فرحان واتاري الغدر لحظتها مستنية 

.. سمعت صرخة  انزل يا محمدين تحت اتفادي الرصاصة ديه

نصحوني وراحوا هما بلحظة تاهت عيونهم وأصبحوا الضحية

.. والكل راح بغدر وخسة والارواح عند ربها  فوراً كانت ملبية

.فضل محمدين ماسك قلمه نفسه يكمل لخطيبته أجمل صبية

صعدت روحه للسما تزف العريس لأجمل بنت أصبحت حورية

وقع القلم منه وكتب الدم قصته وصارت القصةللجميع مخزية

. خزي الندامة علي من باعك يا وطني وضحي بشبابك  الأبية

. وانتهت قصة محمدين ولكن قصة الغدر طويلة مش منتهية                                                        بقلم // **  عمرو طه  **