شيخ السجالات البدري زايد في رثاء والده رحمه الله

-
وهل يمكن أن تمر سنة 2019 التي تحمل الذكري الثلاثين لوفاة والدي وهو يؤدي مناسك الحج دون أن أذكره وأدعو له الله بالرحمة والمغفرة وسائر امواتنا واموات المسلمين في كل مكان وزمان.
 واهدي روحه الطاهرة ابياتي الجديدة له رحمه الله وجمعنا به إن شاء الله مع النبيين والصديقين والشهداء وحسن أولئك رفيقا. آمين. 

كان قاعد جنبي علي الدكة 
ومفرفش وف وشه الضحكة 
قال لي يابدري خلاص ونويت 
بكرة ح احج واروح علي مكة 

قلت له  يابا يااعز حبيبب 
ميت مبروك والحج نصيب 
وتروح يابا بألف سلامة 
حلمك صار وكأنه قريب 

قال لي استني ح اقول لك حاجة 
وح أوصيك دا امك محتاجة 
منك كل رعاية وحكمة 
واوعي تصيبها بأي سماجة 

وانا مش راجع تاني ياابني 
أصل الشوق للبيت دوبني 
والنبي يابني دعاني حداه 
مش راح اسيبه ولا حايسيبني

نزلت مني دموعي أوام 
قلت له يابا دا بس كلام 
تفضل لينا وتبقي معانا 
مستنيك ترجع بسلام 

واستنيتك يابا تعود 
لكن ف اليوم الموعود 
قالوا اتخلف وماهوش جاي 
فضل يبقي هناك موجود 

طاف واتمتع والنبي زار 
بكي ف الحجر وكل جدار 
باس الحجر الأسعد مرة
قال مش راجع تاني الدار 

والقرآن علي عرفة قراه 
يوم الوقفة انا كنت  معاه 
سامع طبعاً صوت ترتيله 
طيب كان والمولي دعاه 

عدت ذكراك التلاتين 
بس فاكرها ليوم الدين 
انك حبيت تبقي هناك 
وتكون جنب نبينا الزين 

بادعيلك وف كل صلاة 
إن نبينا اللي انت معاه 
يشفع لك ياحبيب الروح 
ونكون جمعا كدة وياه 

وتسلم لي يابويا عليه 
وتبلغ له ان احنا إليه 
بنحن ونتمني رضاه 
ونشوفك ياحبيبي لديه 

واما بييجى العام ويدور 
والحجاج بتطوف وتزور 
بالاقيك قاعد جنبي واقول 
واتمني لك كل سرور 

كان قاعد جنبي علي الدكة 
ومفرفش وف وشه الضحكة 
قال لي يابدري خلاص ونويت 
بكرة ح احج واروح علي مكة. 

تحياتي 
شيخ السجالات. 
البدري زايد .

تعليقات

إرسال تعليق

المشاركات الشائعة من هذه المدونة

هم اهلي...للشاعر عبدالله سكرية

-
  إنّها الهبّةُ العربيّةُ المشرّفة تضامنًا مع بيروتَ عاصمةِ العواصمِ . مثَلُ المؤمنِ للمؤمنِ كالبنيانِ المرصوصِ ، يشدُّ بعضُهُ بعضا . .......... همُ أهلي ..  صباحُ الخيرِ، يا بغدادُ ، يا وطني ،  ومِن بردَى صباحُ الخيرِ والنّور ِ أناديكُمْ ، أحيّيكُمْ ، فتطربُني ،  علامُ الشّرقِ ِ منْ فلٍّ وبخُّورِ ومن سهلٍ، إلى جبلٍ،أخاطبكم ،  هنا لبنانُ ، يا ملفى الأزاهير ِ ومن قدسٍ ، إلى يمنٍ ، إلى نجدٍ ،  إلى الأهرامِ يا نبعَ الأساطير ِ ولي في دارهِمْ عربٌ ، أُحَيبابي ،  ذوو رحِمٍ ، وساحٌ للمَعاطير ِ مضائقِنا ، طوارقُنا ، مفاخرُنا ،  هـمُ أهلي ، وعطرٌ للقواريرِ ومنْ قلبي أُنادي إذ أحَيِّيكمْ  فيا ربّاهُ ، لطفًا في المقاديرِ... عبد الله سكريّة .
قراءة المزيد

حكايتي مع الحزن..بقلم ربيع الأيام

-
 حكايتي مع الحزن.. الحياة أمامي ولم أرى منها شيء... والحب موجود لكنه تجاوزني ولم يبقي لي غير كمشة من ذكريات لا تموت ابكيها وتبكيني..  انا وقد تجاوزت كل المحن كل الظروف الصعبة ولازلت اتغلب عليها لم تعد لروحي حياة لم يعد يكسرني شيء لقد تخطيت مرحلة الانكسار.. لا صديق ولاحبيب تخطيت كل ذلك بمفردي خانني الحبيب والصديق ومنذ ذلك الوقت وأنا أطوف حولي ألملم ماتبقى مني واضمد جراحي وكلما التام جرح جد بالتذكار جرح ولازلت اقاوم لازلت صامدة..حتى آخر رمق.. لتمضي هذه أيضآ لاتحزني فأنتي لم تفرحي أبدا  فالحزن مقدرا عليك.. ربيع الأيام /  حكاية حزن
قراءة المزيد

#إهداء - لأم الشهيد...بقلم الشاعر مؤمن حماد

-
اهداء لأم الشهيد ام الشهيد ندهت وقالت أنا وكل أولادي فداك يا بلادي أنا ربيتهم وكبرتهم لأجل الساعه دي علشان لا يقولوا مات جبان ولا مات م الخوف ده مات بطل مات شهيد زغردي يا أم الشهيد  واندهي القريب والبعيد الليله دي عندنا عيد هنزف عريس الجنه وبدمه رسمنا الحنه افرح يا شهيد واتهنا واستنانا علي باب الجنه يا سعدك ويهناك الحور العين بتستناك وتتمنى لقاك ورؤياك لفوه بعالم مصر وهاتوا لنا راية النصر أنا لو عندى  مية ولد مش خساره فيك يا بلد أخوه شال سلاحه وقاللى هكمل كفاحه ومش هسيب حق ال راحوا دول راحوا لأجل إن إحنا نعيش إذاى اسيب حقهم هو خلاص النخوه مفيش اخويا وصحابه استشهدوا علشان نعيش في سلام وأنا عمرى ما هنسى ابتسامته والكلام كان دائما يقولى عيش بطل ولو  في جبال ولا تعيش في قصر بمال مش حلال ويوم ما الوطن يطلبك اضرب له تعظيم سلام  وصاحب راجل ولو قليل المال وأبعد عن صحاب السوء والشلة الشمال امنيتى يخويا إنى  أموت شهيد بس اشوف راية بلادي بترفرف لبعيد  وقول لأمى متزعليش إبنك مامتش لا خائن ولا ج...
قراءة المزيد