##تحية للمنتدى...بقلم الشاعر القدير برصوم كساب

تحية

للمنتدى قلبي اهتدى يوم انفتح هالباب ..

إسمو الحياة المدرسة وباب الحياة كتاب .

قامت هيام بهندسة وفضل وعلى الأتعاب ..

تبني لهيك مؤسسة للحرف والآداب .

جمعت فريق من العمل عملوا الصفر عشرة ..

عملوا بناء المنتدى من الحب والعشرة .

بالطيب صار المنتدى وكان الأمل بكرا ..

نكبر ويكبر بيتنا بالأهل والأصحاب .

ومثل النحل كان العمل والشهد بالأشعار ..

بالمنتدى صار الحرف ينشر شذى الأزهار .

ونجوم شعت بالسما بحضور هالشعار ..

وصارت نجوم المنتدى تضوي بحرف خلاب .

واليوم شكري بقدمو مقرون بالمعروف ..

لهيام ست المنتدى وللشاطرة لطوف .

وكل الإدارة للقلب إلكن درب مرصوف .

وأهلي وصحبي وأخوتي الشعار والأحباب .

شكرا من القلب وسنة مباركة

وكل عام وأنتم بألف خير

يسعد صباح الجميع

مع تحياتي والتبريك

برصوم كساب

منتدى الحياة مدرسة