أيام زمان...بقلم الشاعر د. عبد الرزاق وفائي
. أيام زمان
ذكرتيني ب حمام
أيام زمان ما حبيتو كتير
و رجعتيني لورا
من لما كنت صغير
شو كان زمن معتر
و مشحر تشحير
و البيلون ترابة حلب
كتيرة نتحمم فيها كتير
كانت لمبةالكاز و البابور
علينا كتير
و المي من الجب صارت من
الحنفية للغني و الفقير
بس الناس كانت فطرة
طيبة الكبير قبل الصغير
رغم البساطة و النومة
على الأرض و الحصير
الكل كان بتواضع و لقمتهم
لغيرهم بدون تقصير
كنا نصحى من الصبحية
و النومة ع بكير
يقولولنا نام بكير وفيق بكير
وشوف الصحة كيف بتصير
و لمتنا عل سفرة كلنا
نقعد لقمة هنية كتير
كان الحب للغير اكتر
من حبنا لأنفسنا بكتير
الأمانة و الوجدان
و يتعاملو الكل بضمير
و ربنا يزيد البركة
لحسن النوايا و التدبير
راحت أيام و أجت ايام
و تقنيات العصر الخطير
تلفزيون و موبايل
و نت مفتوح بلا تشفير
و اختلط الحابل ب النابل
وصلنا لزمن التكفير
يلعن بي الابتكارات و
الحداثة شو تخلفنا كتير
وين التسامح و المحبة
كلنا بتراجع و تقصير
تاعو نعمل حياة جديدة
و نرجع لعصر الفقير
يا محلا البساطة
و النومة عل حصييييير
لك آاااااه .. آه
بلا شقى و بلا تعتير
بقلمي عبدالرزاق وفائي
حلب سورية
تعليقات
إرسال تعليق