برغم الجرح ...بقلم الشاعر ناجح عبد السلام
برغم الجرح الي ف قلبي
لسه بسهر وبحلم وبتنفس
ومهما وجعتني الليالي
عمري ما كنت بيئس.
قابلتني كتير مواجع
هدتني كتير جراح
ولاني للدنيا بايع
ساكن ف قلبي السماح.
بسيب الملك للمالك.
مهما كان الأنين
هيا حياتي كذلك
عايش بروح الطيبين.
برغم اني ف زمن اغبر
عمري ما زعلت حد
وقلوب الناس بتتغير
وكل سؤال ليه عندي رد.
فمهما كانت الاوجاع
ارمي همومك علي الله
انسي الي خان والي باع
يكفيك شرف المحاوله.
كلماتي ناجح عبد السلام.
تعليقات
إرسال تعليق