سر السبحة...بقلم شيخ السجالات البدري زايد
سر السبحة
ايدي دايماً رايحة جاية
واللسان بالذكر دايم
سبحتي دايماً معايا
قلبي فيها ياسيدي هايم
أصحي بدري والتقيها
ماسكة ف ايديا تصبح
هو مين ف الفجر ليها
وهيا ليا لما اسبح
حافظة سر الورد كله
من هنا لحد اما نام
هيا للذاكر كظله
وهو يديها التمام
ولا عدادها اللي حاير
مرة ألف ومرة مية
واللي قلبه لسة فاكر
يبقي له سبحة هدية
أصله صوفي بجد شاطر
والعدد ف الذكر غية
بيه يصلي ع الحبيب
الف مليون خمسمية
أو يوحد أو يكبر
ولا تسبيحته اللي هيا
كل دة و السبحة ساجدة
مستكينة ومتدارية
ليها ف الإخلاص علامة
ليها هيبة وليها غية
إنها تصلي معايا
ف الليالي وعاشقة ليا
آه ياسبحة من جمالك
ولا حسنك في البرية
حصو كنتي أو عقيق
يسر برضه مش قضية
المهم ان انتي عندي
توامي وروحي الخفية.
مع أطيب تحياتي.
شيخ السجالات
البدري زايد.
تعليقات
إرسال تعليق