مقاطع زجل ...بقلم الشاعر الكبير د. يونس الحسن
مشاركتي البارحه في السهرة الزجليه
بملتقانا الحياة مدرسه ؛
آ- مسكين يللي الملح بيكاسو رسي
ومسكبن يللي حب وبحبو قسي
ومسيكين يللي مبادؤ حفظا ونسي
جاي ليعمل ترجمان وفيلسوف
ونسيان بعدو طفل عنا بمدرسي
ب_ يابواب هالقلعه المدينه الفاضله/ي
ليشو بوابك من زمان معطله/ي
وكل ما اجوا ورادك وليلن خلي
ومن لمن بيتناولوا كاس الهوى
بيتفرفطوا حبات عنقود وحلي
ج _ يا وردة البستان ليلك عسعسك
الصبح لمن فاق نورو نفسك
ما الطفك ما اجملك ما اتعسك
لمن غرورك جرجرك فوق الخيال
وقعتي وحيدي وعلى وجهك نكسك
د _ ياحكاية الطمعان أخديتو الدني
مانك مخلد شوف يل قبلك فني
عشت الرجولي وشبشبت بالولدني
والله حكي عن آخره وياحسرتي
خلي الطمع وانجى بروحك واعتني
ه -- طلع عحالك هلق من مبارحا
تمنى البعد عن هالوجوه الكالحا
المو مفكرا عالقبر انو رايحا
اعمل لدنياك الغروره وانستر
وخلي ﻵخرتك فعال الصالحا
و _ﻻتسألوني الفرق بن قول وعمل
وعن زلة اﻹنسان والخطب الجلل
هادا زرع هادا جنى هادا نقل
بس الحقيقه الواضحه بين الورى
انو البقي جوعان مش متل اﻷكل
ز _هيهات يانفسي الضعيفي تمرجلي
نسيتي صفاك ﻻتقولي ؛ مرحله/ي
واللي نزل بالزل مو متل العلي
حاجي غرورك يقذفك بين الرمال
هزي بجزع النخل والغي اقتلي
ح _ بدي صديقي ذكروا بلكي نسي
ليشو فكارو مقلقله/ي ومسوسه/ي
وعايش بحقدو والقلب منو قسي
استرها لآخرتك ترى مو محرزه/ي
صحابك يضيعوا بين حقد وابلسه/ي
ط _ صارت ع كل لسان سيرتنا مثل
ويتفننوا فيها بعتابا وبالزجل
محد عم يوقف على حد الخجل
وما عاد عنا لامخافه ولا وجل
الله خلقنا بالطفوله / عاريين
وهو ترى (الحي على خير العمل ).
ءءءءءءءءءءءءءءءءءءءءء
وكان الختام لﻷخ
اﻷستاذ الكبير . عيسى عيسى
ءءءءءءءءءءءءءءءءءءءءءءءءءءءءء
ﻻتقلي وزون شعارك مابعرف زين
للشعار تركنالك فيها دواوين
ونحنا خلقنا الله من ماء وطين
وكل واحد منا خلقو وحطو بمحل
نحنا كتبنا وماقصدنا فيها التكريم
بيكفي سهرتنا معكم بالحب نهيم
وحق الرب ونبيو موسى الكليم
لوﻻ محبتكم بترك صفي وبفل
رح ودع عيسى وثابت مع بوحسون
بغرفي كﻻ كﻻسيك ورومانس جنون
وشموا وضموا وردات الخد المدهون
وغبوا الخمرا من قداح الصدر المفتون
الله يبليكوا بسمرا ولك عبدي تكون
وتكون بآخر عمرا تنفخ كالصل.
وسﻻمتكم.
هههه ....
يونس علي الحسن
تعليقات
إرسال تعليق