ثلاثية هموم كاتب...بقلم شيخ السجالات البدري زايد

-
جمعت كل ماالفته عن محاولات طبع دواويني وعرضها بمعرفة احدي دور النشر  في ثلاثية شعرية بدلا من الشكوي والتظلم .حطيت همي في الشعر علي النحو التالي :

1
________
املي الاقي كتابي منور 
جوة المعرض كدة متصور 
وابني في ايده النسخة بتاعته 
ماهو فنان واد جن مصور 

للدواوين صمم لي غلاف 
قال لي اطمن واوعي تخاف 
أنا بكرة عشانك راح اروح 
وان شا الله يجيلنا الإنصاف 

دار النشر أصيلة وواعية 
عارفة مقامنا وهيا الراعية 
ولذلك نشرت دواوينك 
هيا قوية  وللخير ساعية 

بكرة ان شاء الله ح تشوف 
دواوينك علي احلي رفوف 
واطمن خالص ياجميل 
رصينهم وف اعلي صفوف. 

2
--------------
عندي امل 

بصيت علي كل الرفوف 
ملقتش حرف من الحروف 

ولا صورة لدوان من بتوعي 
ولا أي حاجة تسد جوعي 

أنا مش مقصر ف الشروط 
ودفعت وحفظت الخطوط 

لكني مش ع البال ياناس 
ياخسارة والواحد خلاص 

تعبان ومش قادر اجيلكوا 
وبعت ابني عشان خاطركوا 

يمكن تساعدو رقدتي 
وتفرحوني ف شدتي 

ياناس دا انا (عاشق وطن )
و(لمين ودادك) يازمن 

وب (ليلي ف الحضرة) اكتمل 
دواوين تلاتة والأمل 

إني اشوفهم محطوطين 
فوق رفكم ومنورين . 

3 

____________

ضحكوا عليا 

بعد ما فضوا المولد راحوا 
حتي الشقة سابوها وساحوا 
زي الملح  يدوب ف المية 
دول تعبوني وهما ارتاحوا 

قالوا كلام معسول وجميل 
دول مسابوش ولا أي دليل 
يثبت حقي ويحفظ ليا 
أي كتاب أو حل بديل 

كل وعودهم بح مفيش 
اكلوا اللحم ونتفوا الريش 
بس العيب مش فيهم هما 
العيب فيا الحق ياشاويش 

هاتوا الوصل بتاعي أوام 
والنسخ المطبوعة حرام 
أصلي تعبت ومن افعالكم 
مش قابل ولا أي كلام

شيخ السجالات 
البدري زايد.
البدري عبدالرحمن زايد 
مصر

تعليقات

إرسال تعليق

المشاركات الشائعة من هذه المدونة

هم اهلي...للشاعر عبدالله سكرية

-
  إنّها الهبّةُ العربيّةُ المشرّفة تضامنًا مع بيروتَ عاصمةِ العواصمِ . مثَلُ المؤمنِ للمؤمنِ كالبنيانِ المرصوصِ ، يشدُّ بعضُهُ بعضا . .......... همُ أهلي ..  صباحُ الخيرِ، يا بغدادُ ، يا وطني ،  ومِن بردَى صباحُ الخيرِ والنّور ِ أناديكُمْ ، أحيّيكُمْ ، فتطربُني ،  علامُ الشّرقِ ِ منْ فلٍّ وبخُّورِ ومن سهلٍ، إلى جبلٍ،أخاطبكم ،  هنا لبنانُ ، يا ملفى الأزاهير ِ ومن قدسٍ ، إلى يمنٍ ، إلى نجدٍ ،  إلى الأهرامِ يا نبعَ الأساطير ِ ولي في دارهِمْ عربٌ ، أُحَيبابي ،  ذوو رحِمٍ ، وساحٌ للمَعاطير ِ مضائقِنا ، طوارقُنا ، مفاخرُنا ،  هـمُ أهلي ، وعطرٌ للقواريرِ ومنْ قلبي أُنادي إذ أحَيِّيكمْ  فيا ربّاهُ ، لطفًا في المقاديرِ... عبد الله سكريّة .
قراءة المزيد

حكايتي مع الحزن..بقلم ربيع الأيام

-
 حكايتي مع الحزن.. الحياة أمامي ولم أرى منها شيء... والحب موجود لكنه تجاوزني ولم يبقي لي غير كمشة من ذكريات لا تموت ابكيها وتبكيني..  انا وقد تجاوزت كل المحن كل الظروف الصعبة ولازلت اتغلب عليها لم تعد لروحي حياة لم يعد يكسرني شيء لقد تخطيت مرحلة الانكسار.. لا صديق ولاحبيب تخطيت كل ذلك بمفردي خانني الحبيب والصديق ومنذ ذلك الوقت وأنا أطوف حولي ألملم ماتبقى مني واضمد جراحي وكلما التام جرح جد بالتذكار جرح ولازلت اقاوم لازلت صامدة..حتى آخر رمق.. لتمضي هذه أيضآ لاتحزني فأنتي لم تفرحي أبدا  فالحزن مقدرا عليك.. ربيع الأيام /  حكاية حزن
قراءة المزيد

#إهداء - لأم الشهيد...بقلم الشاعر مؤمن حماد

-
اهداء لأم الشهيد ام الشهيد ندهت وقالت أنا وكل أولادي فداك يا بلادي أنا ربيتهم وكبرتهم لأجل الساعه دي علشان لا يقولوا مات جبان ولا مات م الخوف ده مات بطل مات شهيد زغردي يا أم الشهيد  واندهي القريب والبعيد الليله دي عندنا عيد هنزف عريس الجنه وبدمه رسمنا الحنه افرح يا شهيد واتهنا واستنانا علي باب الجنه يا سعدك ويهناك الحور العين بتستناك وتتمنى لقاك ورؤياك لفوه بعالم مصر وهاتوا لنا راية النصر أنا لو عندى  مية ولد مش خساره فيك يا بلد أخوه شال سلاحه وقاللى هكمل كفاحه ومش هسيب حق ال راحوا دول راحوا لأجل إن إحنا نعيش إذاى اسيب حقهم هو خلاص النخوه مفيش اخويا وصحابه استشهدوا علشان نعيش في سلام وأنا عمرى ما هنسى ابتسامته والكلام كان دائما يقولى عيش بطل ولو  في جبال ولا تعيش في قصر بمال مش حلال ويوم ما الوطن يطلبك اضرب له تعظيم سلام  وصاحب راجل ولو قليل المال وأبعد عن صحاب السوء والشلة الشمال امنيتى يخويا إنى  أموت شهيد بس اشوف راية بلادي بترفرف لبعيد  وقول لأمى متزعليش إبنك مامتش لا خائن ولا ج...
قراءة المزيد