ومين قال الحب نسرده...للكاتبة صباح السالم
ومين قال الحب نقدر نسرده
ولا حتى نكيله بالمال
ياريتنا فضلنا زي زمان
والحال فضل هو الحال
زمان كانت قلوبنا دافيه
رامين الحمول علي الله مرتاحين البال
زمان كانت ضحكتنا صافيه
بجمالنا الجواني كُنا مضرب للأمثال
زمان كان معدنا دهب وطينتنا طاهره
وماكنش فينا أصحاب القيل والقال
زمان كان الأهل عزوه
عمرنا ماشفنا أم مهانه ولا أب رمى العيال
زمان كانت ليالينا سهر و جنه وأحلى لمه
دلوقتي
زاد إحساسنا جوه كل منا إن قلبه ضال
زمان كانت أشواقنا حاره
عايشين الرمانسيه الحلال راغبين الوصال
زمان كان الحب نظره وقلب وسهمين
اليوم شايفين العجب خروجه مع ديه وديه
والعشق صار معظمه بطال
زمان كانوا بيقولوا الصدق منجي
النهارده بيقولوا عيد للحب
وهُم لمفردات الحب أشباه وأذيال
جيلنا زمان كانت وروده جوه قلبه
يبعت جواب وفيه ورده
ويقف بعيد مستني إجابةالسؤال
بحبك
كلمه سمعناها كتير بكل أفلامنا
ومين فينا متمناش يغرق ببحر الحب
ويتحرر م الأغلال
زمان كان الحب زواح بيتهني بيه المحبين
دلوقتي برضه زواج وبعد شهور ينتهي بفصال
زمان كنا بالعشق والغزل هوانم وفرسان
اليوم صار الغزل عا القهاوي حكاوي أشبال
زمان كانت العيون لو إتلاقت بتحكي
اليوم القلوب إتغلقت
والعاشق صار عشقه خيال في خيال
زمان كان الحب كل حياتنا
كنا بنضحك ونجري
و يجيلنا ورد من غير سؤال
زمان كنا بنقري الكتب والقصص
دلوقتي معدناش مستقرين
بعد الهجر بينا ماطال
وزي كل شئ جميل راح وبينا تاه
إتغيرت الأحوال
والناس عملوا يوم للحب وقالوا عيد
و استغربت
بقي ياساندي تعيشي عمرك بتنادي بيه
وكإنك إختارتيه لنفسك و إختارك ليه
وبالنهايه فطرة الحب تتقلص يوم بعد يوم
بعد ما كثرت همومنا
بمعاشرة قلوب جاهله فحواها ملل
خلل لم يصب إلا أهل الزلل
اللي زادوا بينا
وعايشين بقلوب قاسيه صابها إعتلال
لكن سيبقى لنا الأمل في الله
فوجوده قربنا وحده أمان وجلل
وستظل القلوب الدافية شموع تحترق
تخترق القلب كعصغور يشدو
لا يرغب سوي الغرق بشلال
،،،،،،،،،،،
بقلمي صباح سالم
شموع تحترق
تعليقات
إرسال تعليق