إجيناكم...للشاعر هادي زيدان
إجيناكم
اجيناكم ابلهفة شوگ
للملگه
وثارينا حملنا الاه
وبحسره
إجت ارواحنا ليكم كلها شوگ
وبفرحه
امعبايه عشگ وفراح والله
كل العمر ننتظره
نلم الشمل وياكم ترانا انريد
هل الملگه
عطر نيسان ريح الارض من
تمطر وفا...وبهمسه
اجيناكم عشگ دجله لفرات
العرس تبقى
وبشط العرب ايكون العرس
والشبگه
سعفات النخل اتكون شموع
الفرح
بيها الضوا من غير الوگد والله
وبترفه
من حنةالسمراء جنوبنا البصره
جبناها
عشگ وفراح الذيج الليله
وبانسه
على انغام الهيوه والبحاره
والخشابه
فلكلور الشعب يهواي ..الله
مااحلى
على شط العرب افراح عصاري
الرطب والبرحي
والسياب من يتغنى هو
بالشعره
كرم اهلنا ذولاك ابد مامن
من مثله
يفديك الفرد بالارواح اوگبل
المال ثم الزاد او ابد يبق اله يهوى
اجيناكم وثارينا ..كنا ابحلم
مو يقظه
حسافه العمر وکضيناه حسره
وباثره حسره
اويلي عل الوكت من راح
بس بينا
من غير الخلگ والله كلها
اهموم متكدسه
شجانا ياوكت چم دوب
العمر يگضى
بالالام والاوجاع كلها ياحلم
طفله
على گدها الحلم ويكون
لعبه ازغيره
لو ترجيه لو لبة خرز نمنم
بيضه اوسوده اوزرکه
تالي الابو ايموت والام
الدنيا تاخذها
المتاهات الرزق والعيش ياحيف
اوالف وسفه تنسى تلكم الطفله
اگلك ياحلو يازين حلمنا حلم
كل اطفال
بلدنا المحرومه من كلشي فقط
بعيونه الدمعه
هي الماي هي الزاد هي الدم
هي اوهي
البيت او هي الغطا
والفرشه
آآآخ اوالف آخات ياهذا
العمر
بس حسرات من اوله والله
کضيناها لآخر العمره
هادي زيدان
تعليقات
إرسال تعليق