كورونا ...لشيخ السجالات البدري زايد

-
كورونا 

مش حياثر فينا كورونا 
ولافيروسها ابن المجنونة 
اللي بيحصد ف الأرواح 
مرعب والخطوات ملعونة 

دخل الصين بلد المليار 
لقي اهاليها ياعيني كتار 
قالك لما اتسلي شوية 
زي المزة أو الكافيار 

وان كانوا هما بياكلوا الدود 
ولاسحالي وفار وقرود 
ولا كلاب وقطط وبلاوي 
فالموت عندي ملهش حدود 

واتمخطر ف أوروبا شوية 
واختار كدة كم دولة غنية 
والعب مع سكانها السيس 
لابسين ماسك وناس أغبيا

فاكرين كدة م الموت حيفوتوا 
ولا حياثر فيهم صوته 
يطعموا كان غيرهم اشطر 
كدة ح يموتوا وكدة ح يموتوا 

أما ف مصر ح تلقي وحوش 
شعب بياكل ميهمهوش 
بس يسمي ويحمد ربه 
هو الحامي وغيره ملوش 

دول بالبركة ياناس عايشين 
ناس ع الفطرة يحبوا الدين 
واما الدنيا تلطش فيهم 
برضه لمولاهم شاكرين 

خرموا القرش بقدرة قادر 
دهنوا الهوا دوكو ولو فاكر 
ومايقدرش عليهم فيروس 
ولا مكروب ولا جيش وعساكر 

والاوليا سكانها وفيها 
عاشوا ومريم هربت ليها 
والأنبيا عارفين سكتها 
حلوة بلادي يارب احميها. 

مع أطيب تحياتي 
شيخ السجالات 
البدري زايد

تعليقات

إرسال تعليق

المشاركات الشائعة من هذه المدونة

هم اهلي...للشاعر عبدالله سكرية

-
  إنّها الهبّةُ العربيّةُ المشرّفة تضامنًا مع بيروتَ عاصمةِ العواصمِ . مثَلُ المؤمنِ للمؤمنِ كالبنيانِ المرصوصِ ، يشدُّ بعضُهُ بعضا . .......... همُ أهلي ..  صباحُ الخيرِ، يا بغدادُ ، يا وطني ،  ومِن بردَى صباحُ الخيرِ والنّور ِ أناديكُمْ ، أحيّيكُمْ ، فتطربُني ،  علامُ الشّرقِ ِ منْ فلٍّ وبخُّورِ ومن سهلٍ، إلى جبلٍ،أخاطبكم ،  هنا لبنانُ ، يا ملفى الأزاهير ِ ومن قدسٍ ، إلى يمنٍ ، إلى نجدٍ ،  إلى الأهرامِ يا نبعَ الأساطير ِ ولي في دارهِمْ عربٌ ، أُحَيبابي ،  ذوو رحِمٍ ، وساحٌ للمَعاطير ِ مضائقِنا ، طوارقُنا ، مفاخرُنا ،  هـمُ أهلي ، وعطرٌ للقواريرِ ومنْ قلبي أُنادي إذ أحَيِّيكمْ  فيا ربّاهُ ، لطفًا في المقاديرِ... عبد الله سكريّة .
قراءة المزيد

حكايتي مع الحزن..بقلم ربيع الأيام

-
 حكايتي مع الحزن.. الحياة أمامي ولم أرى منها شيء... والحب موجود لكنه تجاوزني ولم يبقي لي غير كمشة من ذكريات لا تموت ابكيها وتبكيني..  انا وقد تجاوزت كل المحن كل الظروف الصعبة ولازلت اتغلب عليها لم تعد لروحي حياة لم يعد يكسرني شيء لقد تخطيت مرحلة الانكسار.. لا صديق ولاحبيب تخطيت كل ذلك بمفردي خانني الحبيب والصديق ومنذ ذلك الوقت وأنا أطوف حولي ألملم ماتبقى مني واضمد جراحي وكلما التام جرح جد بالتذكار جرح ولازلت اقاوم لازلت صامدة..حتى آخر رمق.. لتمضي هذه أيضآ لاتحزني فأنتي لم تفرحي أبدا  فالحزن مقدرا عليك.. ربيع الأيام /  حكاية حزن
قراءة المزيد

#إهداء - لأم الشهيد...بقلم الشاعر مؤمن حماد

-
اهداء لأم الشهيد ام الشهيد ندهت وقالت أنا وكل أولادي فداك يا بلادي أنا ربيتهم وكبرتهم لأجل الساعه دي علشان لا يقولوا مات جبان ولا مات م الخوف ده مات بطل مات شهيد زغردي يا أم الشهيد  واندهي القريب والبعيد الليله دي عندنا عيد هنزف عريس الجنه وبدمه رسمنا الحنه افرح يا شهيد واتهنا واستنانا علي باب الجنه يا سعدك ويهناك الحور العين بتستناك وتتمنى لقاك ورؤياك لفوه بعالم مصر وهاتوا لنا راية النصر أنا لو عندى  مية ولد مش خساره فيك يا بلد أخوه شال سلاحه وقاللى هكمل كفاحه ومش هسيب حق ال راحوا دول راحوا لأجل إن إحنا نعيش إذاى اسيب حقهم هو خلاص النخوه مفيش اخويا وصحابه استشهدوا علشان نعيش في سلام وأنا عمرى ما هنسى ابتسامته والكلام كان دائما يقولى عيش بطل ولو  في جبال ولا تعيش في قصر بمال مش حلال ويوم ما الوطن يطلبك اضرب له تعظيم سلام  وصاحب راجل ولو قليل المال وأبعد عن صحاب السوء والشلة الشمال امنيتى يخويا إنى  أموت شهيد بس اشوف راية بلادي بترفرف لبعيد  وقول لأمى متزعليش إبنك مامتش لا خائن ولا ج...
قراءة المزيد