مين في الصورة ...للشاعر دياب محمود حسن
مين في الصورة (عامية )
**************
نجوم الفن
وأهل الكورة
ظاهرين دايماً
وسط الصورة
في كل مكان
انتم ع الحجر
وواكلين خير
كل المعمورة
أما أصحاب
العلم النافع
منفيين في
طريق مهجورة
كل فكرة
جديدة بتظهر
ياما صاحبها
ليل ونهار
عاش في خطورة
وبعد ما يوصل
يقف في طريقه
الف حرامي
وتنهش فكره
كلاب مسعورة
يا إما يسيبها
أو بالبخس
لغيره يبيعها
وعند الرفض
تفضل لشهور
وسنين محشورة
وسط ادراج
عايزة موافقة
أو تصريح
من إيد مغرورة
بتقمع غيرها
وتثبطهم أما الحجة
"دي ناس مغمورة "
"لازم نفضل
فوق الكل
نعلى ونكسب
وفي الإعلام
نجوم مشهورة"
أصحاب الهمة والأفكار
تعب وتحدي ليل
ونهار
لكن في حصار وياما
نفوس ماتت مقهورة
كانوا بيحلموا
يخدموا غيرهم ويجنوا
تعبهم وكل الخلق بيهم
مبهورة
مع تجاهلهم بتزيد
مشاكلهم وتضيع
عزيمتهم والمحتاج
إيده مبتورة
العلماء لازم نرعاهم
وشباب العلم نبقى
وراهم
ندعم فيهم ونشجعهم
ولقدام لازم ندفعهم
ونخليهم وسط
الصورة
دياب محمود حسن
تعليقات
إرسال تعليق