#دلعونا...للشاعر جلال عبد الرحيم
دلعونا
والله حبيتك من قلبي وراسي
ولسحر عيونك أبدآ موناسي
منك أفراحي شعري وإحساسي
خليكي بجنبي والصعب يهونا
حروف الرسالة كتبتا بدموعي
أنا الحبيتك همي موضوعي
كرمالك بصبر عوجعي وجوعي
بس تحاكيني يا ضو عيونا
بدي من الزهرةلملم ألونا
محبوب القلب عم يستنانا
محمود معلا كتب وغنانا
نثر من عطورو عكل الكونا
جمعت صحابي وعدن مافيني
شمعة أيامي يانور سنيني
لوبتحاكيني والحب اعطيني
بدشر أصحابي اللي رافقونا
من ورد الجوري بدي أهديلك
أحلا غنية بدي غنيلك
ياوردة بيضه ما أجمل أكليلك
رقة وجمال ومن الحسن فنونا
بدي ناديكي يا ضي عيوني
وأكتب على قلبي والله بتموني
يا أهل الحب وماترحموني
قلبي عليل بصدري مدفونا
دخلك لاتبكي ولاتهلي دموعك
روحي بترخصلك هاتي موضوعك
يافرع الحب وقلبي ينبوعك
كرمال عيونك والصعب يهونا
بدي أتركلك شعري تذكاري
بدي غنيكي تطفي ناري
لكل العالم أكشف أسراري
ياقصة حب ويادمع عيونا
لليلة سعيدة عم بتمناها
الله معاكن قلبي غناها
فريق العمل يلي أعطاها
رونقها الحلو والحب أعطونا
عند الصبحية بلملم أوراقي
وأنا عهدي وأصراري باقي
بهديكن قلبي حبي وأشواقي
يازهر الزنبق بأجمل لونا
كورونا لما حبستني ببيتي
فورآ ياحلوة ضجتي وجنيتي
من أول يوم المطبخ فضيتي
حسيتي الشغلة صارت ملعونا
ماسك جوالي وقاعد بالحارة
خايف من حال الدنيا الغدارة
كانت صبية وصارت ختيارة
وصارت خطواتا عالمعكجونا
بقلمي جلال عبد الرحيم
تعليقات
إرسال تعليق