وعدت ليناياعيد...بقلم ايمان الشخيبي
وعدت لينايا عيد
بالفرحة جيت من جديد
الايد تتمد للإيد
فرحة طفل سعيد
يمد اديه لمصروف العيد
بفرحة وشوق كأنه ميلاد جديد
ولا لبس العيد دا جديد فى جديد
وكمان البلالين تشرح القلب الحزين
بس خلو بالكو م الكورونا يا غاليين
اوعو حسبو مين بينفخ البلالين
حتى الميتين حسين فرحانين
طبعا مهما من زمان مستنيين
لزيارة قرايبهم حبايبهم الغاليين
ولا الزهور اشكال والوان
ابيض. احمر. بنفسج. كمان
مهى الزهور للعيد عنوان
واجمل ما فى العيد
بيقرب كل بعيد
بيخلينى اشوفك يا امى
دا انتى فرحى وانتى بتنسينى همى
وانتى نور عينى وكل عمرى
ولا الحبايب اطفال صغيرين
زى الملايكة رايحين راجعين
بحاجه حلوة ببسمة بغنوة
بمزيكا طالعة من لعبة
وممكن الفرحة تتقلب كارثة
لو اللعبة اتكسرت يا ألف حسرة
الدنيا تتقلب دمار ف لحظة
وما بين لحظة والتانيه
يعدى العيد فى ثانية
ويسيب ذكرى حلوة
تفضل سنين جوه
تحيى القلب فترة
ويرجع من جديد
لايام العمر المديد
بعد ما مش العيد السعيد
ويتمنه لو يرجع من جديد
ويغنى عدت لينا يا عيد
الاديبة
ايمان الشخيبى
تعليقات
إرسال تعليق