صوابعي ...لشيخ السجالات البدري زايد
......
صوابعي
بقلم : البدري زايد
......
صوابعي سارقة إحساسي
و سايقة في الدلال والشوق
بقت تكتب ف كراسي
كلام في العشق والمعشوق
وبتشاور علي قلبي
وبتخلي الحليوة تفوق
صوابعي حسها مني
ومن إحساسي بتترجم
وبتدفيني مع إني
ف عز البرد باتألم
وبتقوللي الكلام كله
مانا بلسانها باتكلم
صوابعي تعزف الأنعام
إذا مرت علي شعرك
وتطلع خطوتين قدام
مع عودك مع سحرك
نغم حاسس بتكوينك
مقامه موجة من بحرك
إذا اتلامست أيادينا
ح نصحي فجرنا نصلي
وتتصافح أمانينا
وشوقنا يعلا ويخللي
غرام الذكر يشجينا
ونتسامر أنا وخلي
ونطوي ف المحبة بلاد
وانا غازي أراضيكي
وشاهر سيفي كالمعتاد
مانا فارس باراضيكي
وباستسلم إذا حبيت
ونار قايدة تناديكي
وحولت الغرام لكتاب
قصيدة كلمتين ف دوان
وقلت الشعر للأحباب
بإيدي باعزف الألحان
ولو دار الزمان تاني
ح اغني لك بكل لسان
وح اسرق حتة من روحي
واخليها ف ملو الكف
واقول ياكلمتي بوحي
بلا دوران وابطل لف
صوابعي شعرها مفتوح
حيبقي جميل أوي لو خف.
مع أطيب تحياتي
البدري زايد
شيخ السجالات.
تعليقات
إرسال تعليق