لشهيدك يامصر...بقلم إيمان الشخيبي
لشهيدك يا مصر
باتمنه استشهد فى سبيل الله
وتندانى الجنة واروح لعلاه
وشوية رملة من كف اديه
مليانة حنية للمصرى والمصرية
ولو كانت ف ساعة صيام
اجابة من عرش الرحمن
والغادر مهو أصله جبان
بيضرب ويستخبه ف اركان
بتتخفه من ايه
بتقتل اخوك المسلم!!
يا حسرة عليك
ندل من الأندال
اطمن لفت الأنظار
يا مجرم بتاريخ من عار
ليك ولكل الاعمار
مهى عيلتك تاريخ الأندال
اتخفه روح يا جبان
وشهيدنا بطل الابطال
حيتشال فوق الاحمال
يهتفله كل الاحباب
مهو رايح للجنة. تمام
وانته عليك اللعنة جبان
خسرت الكل دنيا ودين
بس احنا كلنا وطنيين
حنكمل لآخر المشوار
ولا يهمنا. دا احنا الابطال
الجندى المصرى خير الإجناد
دا كلام الدين وتاريخه مثال
ايه ذنبه بيدافع عن وطنه
مش عربيد زيك وجبان
شايل سلاحه صامد مكانه
وغيره حيواصل يا جبان
ابنى وابنك يا شهيد
حيكمل مشوارنا اكيد
بايد من عزم حديد
وبقلب كله نضال
وابنك حيشيل العار
حيشيل رمزك يا جبان
رمز الخسة تاريخ الأندال
اكيد حيكون اكيد حيوان
لكن أنا رمزى دم الشهيد
رمزى علم بنسر عتيق
يتشال فوق الأكتاف
ويلف على كل جبين
انا المصرى سيد الابطال
ووقت الجد باقلبها دمار
صخرة تحطيم كل الغزاة
ولو مات بطل فكلنا ابطال
يجمعنا دم ف لون العلم
الدم الاحمر هدية مننا لارضينا
ولونه الاسود رحمة للى يعادينا
وبياضه بياض جبينا بتاريخ ماضينا
وشعارنا كلنا نموت وتعيشى يا مصرنا
ايمان الشخيبى
تعليقات
إرسال تعليق