من حكابا الليل #عالبحر...للشاعر نسيم حنا
من حكايا الليل
( عالبحر)
لمّا ع شط البحر عديتي
صار الرمل يتفقد حوالو
من عيونك الحلوين وديتي
موجات للموجات يتعالو
من كتر ما النسمات شليتي
صار الهوا يتفركش بحالو
لمن جمالك صار يدرّج
خلّى الزبد ع النور يتفرّج
دقدق ع صدرو صار يتحرّج
جوات قلبو تتقل حمالو
لما ع قلب الميي خطيتي
عين الفجع بالموج خطيتي
لوحة بلون الحب خطيتي
للموج قال الرمل نيالو
خلّي الحسن ع الموج يدلّع
قلب البحر عالشوق يتشلّع
بلكي بعد ما انهم واتولّع
يترك محلو يلحق خيالو
بقلمي
نسيم ح حنا
تعليقات
إرسال تعليق