إلى سدو رعاون...باللهجة المحلية بقلم بلعباس المختار

إلى   سَدُّو    رْعَاوَنْ     لْبَابْ

* رْضِيتْ   بَلْمَحْنَة   و   لَعْذَابْ

                         و  حَرْهُمْ    مَا   رْضَى    بِيَ

* جَرْجْرُونِي  تْجَرْجِيرْ  لَكْلَابْ

                         مْشْبُوحْ       سَمْحُو       فِيَّ

* مَقْهُورْ    لْوَحْدِي      ألَحْبَابْ

                         شَكْوَى       لْزِينْ       لَعْطِيَّة

* لِيهْ    لْحَمْدْ     بْلَا    حْسَابْ

                         نَجَّانِي   لَكْرِيمْ   مَنْ   لَعْمِيَّة

* رْضَى      قلبي      بَلْمُكْتَابْ

                         تْحَزَّمْتْ    بَصْبَرْ    و    بَنِيَّة

* عْلِيَ    صِدْقْ      مَا     غَابْ

                        زْيَانَتْ  و  جَادَتْ  دنيا  علي

* تْوَكَّلْتْ عَلْغَنِي دَرْتْ بْلَسْبَابْ

                         ما بْقَى قلبي  مَنْفُوخْ  كُدْيَة

* فْقَدْتْ    ثِيقْتِي    فْلَصْحَابْ

                         هَكْذَا  قُمْتْ   بَحْسَنْ   مْزِيَّة

* بْنِيتْ بِينِي و بِينْهُمْ  حْجَابْ

                         صَبْحَاتْ   حَاجْتِي  مَقْضِيَّة

* إِلَى   سَدُّو    رْعَاوَنْ    لْبَابْ

                         أَبْوَابْ  لَعْظِيمْ  تْفَتْحَاتْ  لِيَ

* مَنِّي     كل     خَيْرْ     قْرَابْ

                         نَلْتْ    من     لَعْظِيمْ   هْدِيَّة

* تْرَمَمْ   حَيْطِي   مَنْ   تَرْيَابْ

                        غَنَّاتْ     كَلْ    دُنْيَا     مْعَايَ

* مَا  كَانْ  مَنْ  هَمْ وَ غَمْ دَابْ

                        وَ   صْفَاتْ   سْمَايَ    فْعَيْنِيَ

 الشاعر و الزجال الغنائي و القاص

بلعباس المختار