#حظي....للشاعر القدير د. برصوم كساب

حظي 

الحلوة معي عالهاتف منحكي ألووو .. 

وفجأة الأهل عن حالها عم يسألوا .. 

حظي أنا مع أهلها قطران .. 

حملو صعب يا ناس ويلي ماثقلو .

حظي أنا مع أهلها أسود غراب .. 

خلو حياتي معثرة وكلا عذاب .. 

بوجهي أنا ع حلوتي سدو البواب .. 

وحتى الهواتف خطها عم يفصلوا . 

حتى الهواتف بالكواشف زودوا .. 

وحبي وحياتي عن عيوني أبعدوا .. 

لكن بعهد الحب في عنا نداء .. 

نبض القلوب برقم سري منوصلوا . 

محبوبتي بالقلب مسكنها علي .. 

وبقلبها مكتوب ع عرشو إلي .. 

من القلب حتى القلب في عنا شريط .. 

عندا النهاية وعند قلبي أولو . 

من القلب حتى القلب مرسال الهوى .. 

عنا التحدي بالهوى بيغلب قوى .. 

لا الأهل لا الجيران لا كل البشر .. 

رح يقدروا درب المحبة يوصلوا . 

    3 / 8 / 2020 

     برصوم كساب