بعدو هوانا...للشاعر نسيم حنا

 من حكايا الليل 

بعدو هوانا


بعدو هوانا طيب نبيدو 


بعدو العشق عم يلبس جديدو 


بعدا عيونك حاملة مراسيل 


هيدا أنا بالحب ل بريدو 


وجك كانو شقتو لسهيل 


كل ما مرق دقاتنا يزيدو 


والروح عنك ما بقى بتميل 


قلبي نغلب عم يرفع بايدو 


كل ما بفكري مرقك مرقة 


بيصير فكري ينوعد فيكي 


من ميل بسمة تلحقا حرقة 


مشتاق فكري يقبض عليكي 


قالو الهوى ساعات معدودي 


والشوق شتوة بنت صيفية 


لكن هوانا أرض ممدودي 


فيها الجنى مليان حنية 


خايف عليكي غالق حدودي 


من عين زرقا إخت جنية 


ناصب سنيني سيف وفرودي 


تا يضل وهج الحب غنية 


بقلمي 

نسيم ح حنا

تعليقات

المشاركات الشائعة من هذه المدونة

هم اهلي...للشاعر عبدالله سكرية

حكايتي مع الحزن..بقلم ربيع الأيام

#إهداء - لأم الشهيد...بقلم الشاعر مؤمن حماد