من حكايا الليل ☆ الشاعر نسيم حنا
ضلي ضحكيلي
ضلي ضحكيلي والعيون سرور
فنجان عينك ولّف الضحكي
كل العيون بتقشعو للنور
لكن عيونك نور عم يحكي
والصبح عم يغلي غلي ويفور
ناطر عتم الضو عم يبكي
بدو يكشّف عن حلا المستور
ويشف من نور الحلو وسكي
حبك متل شلال عم يهدر
طوّف بقلبي حطّ بحمالو
يما متل فلاح عم يبدر
صيف الهنا من بسمة شوالو
واللي بقلبو عتم شو بيغدر
شو هم هالعزال شو قالو
يلي هواكي شتوتو لايلول
فاح العطر من ريحة ترابك
قلبي ال هواكي بالشتي مشغول
لا تبخلي بالميي لحبابك
يا فرحتي لمّا شتانا يطول
غاب القلب بعواصفك مبلول
والرعد يكتب وعد بكتابك
بقلمي
نسيم ح حنا
تعليقات
إرسال تعليق