مركب ورق ☆ الكاتبة إيمان الشخيبي
مش عايزين سفينة هشة تخترق
ولا عايزين نعيش فى مركب ورق
تعالو بصوا!! احنا ف خطر
ركز يا مصرى اهدا !! واجب الحذر
باصرخ وانادى. على مجد بلادى
السفينة ممكن تغرق فى المينا
ممنوع الوقوف. السفينة ف خطر
ايدك فى ادينا. دفاع عن ماضينا
نعدى نتعلم العوم بدل منموت بالغرق
نصحى من نومنا ونحقق أمانينا
يلا بينا ندق بصوت عالى ناقوس الخطر
دا احنا الفراعنه تاريخنا يشهد بماضينا
كل واحد فينا يشد. الرحال
وننادى بعزم ما فينا!! يلا الرجال
يلا نقوم من نومنا
نواجه دمارنا واخطارنا
نرويها عرق بكفاحنا
ندافع عن بلادنا بطريقتنا
ونرجع مجدك يا بلادنا
دا واجبك ليكى علينا
عبور متجدد بادينا
بعملنا حنعدى المينا
ولا تغرفى ابدا يا سفينة
دا خشبك اصيل فى المينا
مش عايزين سفينة حديد
عايزين قلبك تجديد
عايزينك بالتحديد
نعبر بيكى الخطر
عايزين نعبر بعملنا
وهوه دا يا نسر املنا
بدل السفينة متضيع ف الغرق
وتضيع معاها احلام العرب
وتتقلب لمركب ضعيف ورق
لعبة ف ايد كل البشر
دا السوس ينخر ف الخشب
من تحت لتحت !!واجب الحذر
اصل السفينة اجمل سفينة ف المينا
والعين عليها ولازم تكون ادينا بيها أمينة
يلا بينا الوطن علينا بينادى
هل من مجيب؟؟ دى مصر بلادى
اصحو قوموا ردوا الندا
متفرحوش فينا العدا
قوم يا طبيب اليوم يومك
مكافح دائما من يومك
يا معلم !! قوم علم
كلام وتاريخ أجدادك
يا مناضل قوم. قوم دافع
عن عزتنا ومجد بلادك
وانته يا فلاح أعرق يلا وكافح
ازرع ارضك دى ميراثك اجدادك
وانته يا معلم. حموده
يلا ابنى الجدار طوبة طوبة
قوم يا مصرى اصحلها بدرى
فوق بسرعة دا تاريخ أجدادك
يلا نبنى السفينة بادينا
وتخليها جميلة. عروسة المينا
عيزينها سفينة تعدى وسط الحجر
وتكون سفينة متعرفش الغرق
نهار وليل تمشى بعرق
ولا تستسلم يوم لبشر
ونعدى بيها كل الخطر
وتواجه الكل!! قوم يا وطن
دا واجبنا تجاهك إرادة قدر
مصر المحروسة رغم انف البشر
دا واجبنا العبور بيكى م الخطر
وعبورنا متجدد بنيلك يا وطن
ايمان الشخيبى
تعليقات
إرسال تعليق