مروان الغالي بقلم الشاعر محمد غبن
( مروان الغالي)
بقلمي / الشاعر محمد غبن
شاعر آل غبن/سفيرا للسلام الدولى
7/12/2020
مروان ياأعز ماأملك
ياحته م القلب الجوانيه
بعيد عنك أو بقربى حبى
وحنانى ليك حاجه........... تانيه
أنت مش بس ماأملك أنت
بقلبى حاجه غير...............عاديه
برغم إنك مش
في ولادى..................... الوحيد
وكنت بكدب نفسى لكن لقيت
شوقى اللى كل يوم........ بيزيد
تكون دى مشاعر زايده لإنك
آخر العنقود وحقك علي كتير
ولا هى تناغم روحانى وقلق
من شراهة الدنيا وموت الضمير
ولا يكون دا حقك فى حاجات
كتيره وعندى جانب التقصير
رد عليا كلمنى صدقنى سؤال
جوايا مش لاقى ليه........ تفسير
حتى تلاقينى قبل ماأمشى
لازم اودعك بأحن.......... القبلات
محدش فينا يابنى عارف
ضامن الحياه وإمتى.........الممات
بس عايز أنصحك بنصيحه
خليها زى الحلق فى..........ودانك
من فضل الله عيشتكوا حلال من
عملى والدنيا شاهده قدامك
على قد ما تقدر عيش إوعاك
تضعف يوم أو تطاوع شيطانك
ياما عدت علينا أيام وهى الدنيا
وراها ايه غير تعبك وازعاجك
أنشف فيها وكون قد المسؤليه
الناجح ميعشى فاقد الهويه
إصنع نفسك كون صاحب شخصيه
وإوعاك تعيش وسط الناس هفيه
إزرع فى نفسك الثقه وكون
مع ربنا هتعيش حياه.......... هنيه
وخليك وسط الناس
ليك كيان وفى عينيهم مستور
هوا فيه أجمل من كدا طالما
بترضيه هيكون معاك رب غفور
لأننا أكيد مش ملايكه ولا
معصين من المعاصى والذنوب
على قد ما تقدر ماتبعدش عن ربك
بالطاعه وكلنا إليه بنرجع ونتوب
ودايما ترجع إليه فى كل حياتك
مش شرط تكون.............. مغلوب
دا ربنا كبير و فى العالى مابين
لحظه وثانيه يحنن عليك القلوب
على قد ما قدرت قولت النصيحه
ونصايحى فيها واضحه صريحه
عشان فى يوم لو جاتنى المنيه
أحس بيك وأنا فى برزخى
فعلا تستحق تكون الحته الجوانيه
مهى الروح صعدت لربها ف السما
بس بتحس..................... بحبايبها
إنهم عايشين ولا شايلين همومها
متنساش تبقى تعدى عليا
تآخد بحسى القبر سكنته ضلمه
لو بتحبنى إسمع كلامى
ويارب برحمتك ابعدنا عن الضمه
وخلى دعاك يابنى بالرحمه
كلنا هنحتاجه وهيعملنا ونسه ولمه
نضمن شفاعة ربنا وسط القبور
وتدعيلى يوم العرض بعدم المزله
تعليقات
إرسال تعليق