تحويشة عمري لبنتي بقلم سحر ابو العلا
تحويشة عمري ... لبنتي
سحر ابوالعلا
تحويشة عمري جمعتها فيك
يا صحبتي وبنتي وفرحة سنيني
يا أغلي ما ليا يا روحي وعنيا
لو تطلبي روحي بروحي افديك.
يا عمري اللى فات والجاي
بحبك انت انا قلبي حي
لو بإيدي اجمع سعادة الكون
واهديها ليك.
يا كل مشواري يا ليلي ونهاري
وانا عمري يا حلوة ما يحلي إلا بيك.
ده انا لسة شايفاك بضفاير
وقلبي جوايا من فرحه بيك طاير
السنين اللى جرت بيا وبيك
مش محسوبة من عمري يا ست البنات
انا لسة شايفاك بنوتة بفيونكات
والله يا حلوة هتكمل فرحتي بيك
يوم ما اشوفك يا حلوة بالأبيض طليتي.
#بنتي
تعليقات
إرسال تعليق