عيش اللحظة بقلم د صلاح شوقي
قصيدة زجلية
(( عِيش الَّلحظه ))
إن جت لك لحظه فرح
عِشها وانسَي الهموم
متقلش مش قادر أنسَي مش
هلاحق على كده ، كل يوم
وخليها عادة تصبر مش
اجيب منين ، أشق الهدوم
وتكون صادق مع نفسك
متكُنش ظالم ، وتقول مظلوم
وتقلب البيت جحيم عشان شمه
او كيس معسَّل بُرج أو سلُّوم
لو مديون ربك هيفكها ، ياما
مشاكل عدَّت والحال ما بيدوم
تشوف بلاوي الناس تهون عليك
بلوتك ، والناس مداريها الهدوم
وان جت لك فرصه تعمل الخير
اعمله ، ولا تعاير المحروم
أوتصلح بين اتنين كون حقَّاني
ولو قريبك ، غَلَّطُه مهما يلُوم
البسمه صدقه متكنش دائما
مكشَّر فضفض متكُنش كَتُوم
السيرة اطول من العمر لو انت
فى مصلحة راعي ربَّك خليك خَدوم
و ارحم عذابها ، جايه لك الغِيط
لِيه تجري وراها بالفاس ، يا برهُوم!!
د. صلاح شوقى..... منياالقمح
تعليقات
إرسال تعليق