سجال عتابا بين الشاعرين ادريس محمد فؤاد و علي خضور
منادمة ارتجالية بيني وبين الشاعر الكبير الأستاذ الشهير ملك العتابا والقوافي علي خضور المحترم
🌹إدريس فؤاد محمد 🌹
ياريم الفلا عيوني ب عب رات
بلون المخملي فاضت بعبرات
دخيل الرب يادكتور بيع ابرات
الجروح الشايفا الريم السبب
♥علي خضور♥
العشق ودروسو لـ َغيرك مـ قرّات
باللي بالقلب صرلك.........مقرات
جرائم مرتكب عمداً .......ما قرّات
فضحني رمش عينك والهداب
🌹إدريس فؤادمحمد🌹
أنا عم قول أقلامي ما جرات
حروفك حين شافو مجوا الرت
ماظني بلمعتا خلقت مجرات
ولاكتبو متل ماكتبت العرب
♥علي خضور ♥
لويش دموعي عغيابك تـَ حرّات
وبحور الشعر بـ حرفك تـَ حرات
وبكل الكون أخي ادربس تحرّات
لقيتك مرجع بشعر وأدب
🌹إدريس فؤاد محمد🌹
الفصاحة جاءت بحرفك محى الرت
المنون إن كان من إيدك مو حرات
حروفك عطت من حسنا محارات
عند مااسمك عليها انكتب
♥إعلي خضور♥
جودك مانوجد عمرو بدار بات
ومُحال بأرضك يقولو بدار بات
هلالك بالشعر حتماً ...بدر بات
ونجمك ما أفل صوب الغياب
🌹إدريس فؤاد محمد 🌹
الكرم والطيب شاهدنا بدرجات
منكم حين طليتو بدور جات
القمر حين شاف اسمك بدا رجات
استحى من طلتك أفل وهرب
♥علي خضور ♥
يما مديتلي إيدك.. في كربات
وكنت البيت وبظني فيك ربات
حرفك عند مالفظتو .فكر. بات
ومرجع بالبلاغة والأدب
🌹إدريس فؤاد محمد🌹
إيدك حين تمنحني في كرمات
أثنو الناس ع شخصك ف كرّمت
حاتم طي من صيتك فكّر مات
اختجل من كرمكم سكر الباب
♥علي.خضور♥
الشعر من بحرك دلقتو بدلقات
وحرفك سلطن دماغي بدل قات
قطعت الجبل والصحرا بدو لقات
يردد من بحرشعرك عتاب
🌹ادريس فؤاد محمد 🌹
شعرك اتى بقليبي بيحل قات
وسقيت العدا حنظل بحلقات
بصيتك انت عالمنبر باح لقات
بأنك. خير من أنجب وجاب
♥علي خضور ♥
وقت مابتختم بياتك ......بقفلات
صعب كتير. من سحرا بقى فلات
ومتل مابيزرعوا الوردة ..بقفلات
زرعتك بالوتين وبالعصب
🌹إدريس فؤادمحمد🌹
وحق اللي كسر بيدو شقف لات
ببدر وفاجئ الأعدا شق فلات
انت بالأدب عندك شي قفلات
بيعجز يقفلا شيخ العتاب
♥علي خضور ♥
لغيرك بالشعر قفلة .....مـَ خلاّت
وبعمرك عالوعد لحظة .....مخلاّت
بحق اللي سحق بيدو ...مخ اللات
يعليلك مقامك والرتب
🌹إدريس فؤاد محمد 🌹
انت حروف ت نكتب مٓ خلات
إلعقول بحسن صيغتها مُخلات
وحق ال حيا مرات مخ اللات
بأدبك ماخلق الله ووهب
♥علي خضور♥
بثنايا القلب صار باسمك .محلات
ومرالعيش لولاكم ......مـ َحلاّت
اخي إدريس وحياتك ....ماحلاّت
ومجبت المستحيل من الغياب
🌹إدريس فؤاد محمد 🌹
المكارم يوم بيديتك ماقلات
وغير بزيت اعدا لك ماقلات
منازل إلك بقليبي ماقلات
وعم بتزيد بزود الأدب
♥علي خضور ♥
بعد ماشفت قنديلك ملا الزات
ولوما هيك صوب منك مالزّات
مادقنا بهالدني طعمة ملزّات
الطمع بالآخرة ويوم الحساب
🌹إدريس فؤاد محمد 🌹
انت لولاك العتابا مالبّٓات
قوافي ماس خببتا ملا ببات
ماعمرا الدني قاتت مالبات
بدنا الآخره وعفو المهاب
♥علي خضور ♥
عجز شاعر لأبياتك. تلبّ بات
وأنا عـ فكر أشعارك.. تلبّات
حتى الروح لو تطلب. تلبّات
مابدي لا جزية ولا ثواب
🌹إدريس فؤاد محمد 🌹
بصحرا أنا تسكن فلا ببات
صخورا سود بوجهي فلابات
روحي بدعوتك سمعت فلبات
تأبصم بالعشر حبك وجب
♥علي خضور ♥
أنا بالغزل رح اختم .....بكلمات
تترك أثر بـ كل حي...بكل مات
القلب من لحظها تزيّن .بكلمات
ويمحلى الجرح من رمش الهداب
🌹إدريس فؤاد محمد 🌹
اللقا والوصل بمحبه بحل مات
رضعها القلب وترعرع بحلمات
محبه يصير جفا بعدا ب يحل مات
إذا مالرمش. بقليبي ثقب
♥علي خضور ♥
عبيدر زرعك شبعنا ........شقلبات
نسينا الهم ونسينا....... شقا البات
أخي إدريس بـ وصفك شوقال بات
الملّوح بالغزل اسمو انشطب
🌹إدريس فؤاد محمد 🌹
انا والريم نتوحوح ع قلبات
رغم كتير أتوخّى عقل بات
ماظني يوم قيس ليلى عاق لبات
ولا ليلى يوم رفضت فتح باب
♥علي خضور♥
عيوني دوم مشتاقة ....لـ وجنات
الحبيب ومنيتي قبلة..... لو جنات
مافي قانون بالدنيي لوا جناة. ت
العشق. والرب سامح بالحساب
🌹إدريس فؤاد محمد 🌹
شفت بصدر البنيه في وج. نات
وبعدا اتى يامدلل فوج نات
تأكد يااخي النظره في وجنان
فيها أجر عند الله وثواب
♥علي خضور ♥
شفافا عسل ومخلّط.. بـ جبنات
ومظني من بعد منها بجي بنات
واخي ادريس قد قرر بجيب نت
ويرسلاّ إضافة مع طلب
🌹إدريس فؤاد محمد 🌹
ارسلت الطلب خايف ب جف نت
ودموع الدم عبيها ب جفنات
صرت اختبي من خجلي بجفنات
لما عرفت محذوف الطلب
تعليقات
إرسال تعليق